ലോകത്തിന് കേരളം സംഭാവന ചെയ്ത മഹാഗുരു ആണ് ശ്രീനാരായണ ഗുരുദേവൻ. ഇന്ത്യ കണ്ട സാമൂഹ്യ പരിഷ്കർത്താക്കളിൽ മുൻനിരയിൽ നിൽക്കുന്ന അവതാരപുരുഷനാണ് ഗുരു. ഇന്ത്യൻ നാഷണൽ കോൺഗ്രസ്സിൻ്റെ കേരള ഘടകം അയിത്തത്തിനെതിരെ സ്വീകരിച്ച നിലപാടുകളിൽ ഗുരുദേവ ദർശനങ്ങളുടെ സ്വാധീനമുണ്ടായിരുന്നു. കെ സുധാകരൻ എംപിയുടെ ഫേസ്ബുക്ക് പോസ്റ്റിന്റെ പൂർണ്ണ രൂപം ഇങ്ങനെ;

ലോകത്തിന് കേരളം സംഭാവന ചെയ്ത മഹാഗുരു ആണ് ശ്രീനാരായണ ഗുരുദേവൻ. ഇന്ത്യ കണ്ട സാമൂഹ്യ പരിഷ്കർത്താക്കളിൽ മുൻനിരയിൽ നിൽക്കുന്ന അവതാരപുരുഷനാണ് ഗുരു. ഇന്ത്യൻ നാഷണൽ കോൺഗ്രസ്സിൻ്റെ കേരള ഘടകം അയിത്തത്തിനെതിരെ സ്വീകരിച്ച നിലപാടുകളിൽ ഗുരുദേവ ദർശനങ്ങളുടെ സ്വാധീനമുണ്ടായിരുന്നു.

അസ്പർശ്യതയ്ക്കെതിരെ കോൺഗ്രസ്സ് വൈക്കം സത്യാഗ്രഹം നടത്തുമ്പോൾ ആത്മീയ പിന്തുണയുമായി ഗുരു കൂടെയുണ്ടായിരുന്നു. വൈക്കം സത്യഗ്രഹ പന്തലിലെത്തി ഗുരു ആയിരം രൂപ സംഭാവന നൽകിയത് കോൺഗ്രസ്സ് എന്നും ഹൃദയത്തിലേറ്റുന്ന ചരിത്ര മുഹൂർത്തമാണ്. എല്ലാ ഹിന്ദു ക്ഷേത്രങ്ങളിലും എല്ലാ ജാതി വിഭാഗങ്ങൾക്കും പ്രവേശനം കൊടുക്കണമെന്ന് പ്രമേയം അവതരിപ്പിക്കാനും പിന്നീട് ഗുരുവായൂർ സത്യാഗ്രഹം അടക്കമുള്ള പ്രക്ഷോഭങ്ങൾ സംഘടിപ്പിക്കാനും കെപിസിസി യെ പ്രേരിപ്പിച്ചതിൽ ഗുരുവിൻ്റെ നവോത്ഥാന ചിന്തകളും കാരണമായിട്ടുണ്ട് .

കാലത്തെ അതിജീവിച്ച് നിലനിൽക്കുന്നവയാണ് ഗുരുദർശനങ്ങൾ . "മതമേതായാലും മനുഷ്യൻ നന്നായാൽ മതി" എന്ന ഒരൊറ്റ വാചകം മതി ലോകചരിത്രത്തിൽ ഗുരുദേവൻ്റെ മഹത്വം അടയാളപ്പെടുത്തുവാൻ . ഗുരുവിൻ്റെ ഓർമകളുമായി വീണ്ടും എത്തുന്ന ചതയദിനത്തിൽ ഏവർക്കും ഹൃദ്യമായ ഗുരുദേവജയന്തി ആശംസകൾ നേരുന്നു.