കലൂർ കൊലപാതകവുമായി ബന്ധപ്പെട്ട് നിർണായക വിവരം പുറത്ത്. സംഭവത്തിൽ പിടിയിലായ പ്രതി കിരൺ ആന്റണിക്ക് പരിക്ക് പറ്റിയിട്ടുണ്ടെന്നും പിന്നിൽ മുൻ വൈരാഗ്യമാണെന്നും സിറ്റി പൊലീസ് കമ്മിഷണർ സി.എച്ച്. നാഗരാജു അറിയിച്ചു. സമൂഹ മാധ്യമത്തിലിട്ട പോസ്റ്റാണ് കൊലപാതകത്തിന് പ്രകോപനമായി മാറിയത്. തമ്മനം സ്വദേശി സജിൻ ഷഹീറാണ് (28) കൊല്ലപ്പെട്ടത്. ഇന്ന് പുലർച്ചെ എറണാകുളം കലൂർ ലിസി ആശുപത്രിക്കു സമീപമാണ് സംഭവമുണ്ടായത്.

അതോടൊപ്പം തന്നെ ഇവർ തമ്മിൽ രണ്ട് വർഷമായി തർക്കമുണ്ട്, വിവിധ സ്റ്റേഷനുകളിൽ കേസുകളുമുണ്ട്. പണമിടപാടുമായി ബന്ധപ്പെട്ട് രണ്ട് സംഘങ്ങള്‍ തമ്മിലുണ്ടായ തര്‍ക്കമാണ് കൊലയിലേക്ക് എത്തിച്ചത്. സംഘങ്ങൾക്ക് ക്രിമിനൽ പശ്ചാത്തലവ്മുണ്ട്. രാത്രി ഒരു മണിക്ക് ശേഷം ഇവര്‍ തമ്മില്‍ പരസ്പരം ഏറ്റുമുട്ടുകയാണ് ചെയ്തത്. ഇതിനിടെ സജിന്‍ ഷഹീറിനെ കിരണ്‍ ആന്റണിയും മറ്റൊരാളും ചേര്‍ന്ന് കുത്തിക്കൊല്ലുകയായിരുന്നു എന്നാണ് പൊലീസ് ചൂണ്ടിക്കാണിക്കുന്നത്.