ക്ഷേത്രത്തില് നിന്ന് കവര്ന്നത് മൂന്ന് വിളക്കുകളും പൂജയ്ക്ക് ഉപയോഗിക്കുന്ന മണിയും ക്ളോക്കും ഉള്പ്പെടെയുള്ള സാധനങ്ങള്.... അന്വേഷണത്തിനൊടുവില് പോലീസ് കള്ളനെ പൊക്കി.....
ക്ഷേത്രത്തില് നിന്ന് കവര്ന്നത് മൂന്ന് വിളക്കുകളും പൂജയ്ക്ക് ഉപയോഗിക്കുന്ന മണിയും ക്ളോക്കും ഉള്പ്പെടെയുള്ള സാധനങ്ങള്.... അന്വേഷണത്തിനൊടുവില് പോലീസ് കള്ളനെ പൊക്കി.....
മലപ്പുറം കോഴിക്കോട് ജില്ലകളിലെ ക്ഷേത്രങ്ങള് കേന്ദ്രീകരിച്ച് മോഷണം നടത്തുന്നയാളെയാണ് ഒടുവില് പൊലീസ് പൊക്കിയത്. എടവണ്ണപ്പാറ സ്വദേശിയായ ഉണ്ണികൃഷ്ണന് (51) ആണ് ടൗണ് സബ്ബ് ഇന്സ്പെക്ടര് അബ്ദുല് സലീമിന്റെ നേതൃത്വത്തില് നടന്ന അന്വേഷണത്തിനൊടുവില് പിടിയിലായത്.
കോഴിക്കോട് സിറ്റി ക്രൈം സ്ക്വാഡും ടൗണ്പോലീസും ചേര്ന്നാണ് ഇയാളെ പിടികൂടിയത്. കഴിഞ്ഞ ദിവസം പുലര്ച്ചെ കോഴിക്കോട് രണ്ടാംഗെയ്റ്റിന് സമീപത്തുള്ള വിരട്ടാംകണ്ടി ഭഗവതി ക്ഷേത്രത്തില് നടന്ന മോഷണ കേസിലാണ് പ്രതി അറസ്റ്റിലായത്.
ക്ഷേത്രത്തിലെ മൂന്ന് വിളക്കുകളും പൂജയ്ക്ക് ഉപയോഗിക്കുന്ന മണിയും ക്ളോക്കും ഉള്പ്പെടെയുള്ള സാധനങ്ങളാണ് പ്രതി മോഷ്ടിച്ചത്. സമീപത്തുള്ള സിസിടിവി ദൃശ്യങ്ങള് പരിശോധിച്ചപ്പോഴാണ് മോഷണത്തിന്റെ ചുരുളഴിഞ്ഞത്.
കോഴിക്കോട് ടൗണ് അസിസ്റ്റന്റ് കമ്മീഷണര് പി. ബിജുരാജിന്റെ നേതൃത്വത്തിലുള്ള സിറ്റി ക്രൈം സ്ക്വാഡും ടൗണ് പോലീസും സമാനമായ കുറ്റകൃത്യങ്ങളിലേര്പ്പെട്ട് ജയില് മോചിതരായവരെ കുറിച്ച് അന്വേഷണം നടത്തുകയും മോഷണം നടത്തിയതിന്റെ രീതി ശാസ്ത്രീയമായി അപഗ്രഥിച്ചും സിസിടിവി ദൃശ്യങ്ങള് കേന്ദ്രീകരിച്ചും നടത്തിയ അന്വേഷണത്തിനൊടുവിലാണ് പ്രതി പിടിയിലാകുന്നത്. കോഴിക്കോട് വലിയങ്ങാടി പരിസരത്ത് വച്ച് സബ്ബ് ഇന്സ്പെക്ടര് അബ്ദുല് സലീമിന്റെ നേതൃത്വത്തില് പ്രതിയെ അറസ്റ്റ് ചെയ്യുകയായിരുന്നു.
"
https://www.facebook.com/Malayalivartha
