കെഎസ്ആര്ടിസിയിലെ സമരപ്രഖ്യാപനം; സമരം ചെയ്യുന്നവര് അഞ്ചാം തീയതി ശമ്പളം വാങ്ങാമെന്ന് കരുതേണ്ട; മുന്നറിയിപ്പുമായി ആന്റണി രാജു
സംസ്ഥാനത്തെ കെഎസ്ആര്ടിസിയിലെ സമരപ്രഖ്യാപനത്തിനു പിന്നാലെ മുന്നറിയിപ്പുമായി ഗതാഗതമന്ത്രി ആന്റണി രാജു. സമരം ചെയ്യുന്നവര് അഞ്ചാം തീയതി ശമ്പളം വാങ്ങാമെന്ന് കരുതണ്ട എന്നാണ് ആന്റണി രാജു പറയുന്നത്.
മാത്രമല്ല ടിഡിഎഫ് പ്രഖ്യാപിച്ച സമരം അംഗീകരിക്കാനാകില്ലെന്നും, ഇക്കാര്യത്തില് സര്ക്കാര് ഒരു വിട്ടുവീഴ്ചയ്ക്കും ഇല്ലെന്നും മന്ത്രി ആന്റണി രാജു പറഞ്ഞു. നിലവിൽ കെഎസ്ആര്ടിസിയിലെ സിംഗിള് ഡ്യൂട്ടിക്കെതിരെയാണ് പ്രതിപക്ഷ യൂണിയനായ ടിഡിഎഫ് സമരം പ്രഖ്യാപിച്ചിരിക്കുന്നത്.
ഇത് പ്രകാരം ഒക്ടോബര് ഒന്നു മുതല് സമരം നടത്താനാണ് ആഹ്വാനം. എങ്കിലും സിംഗിള് ഡ്യൂട്ടി യൂണിയനുകള് അംഗീകരിച്ചതാണെന്നും, സിംഗിള് ഡ്യൂട്ടിയില് വിട്ടുവീഴ്ച ചെയ്യുന്ന പ്രശ്നമില്ലെന്നും ആന്റണി രാജു വ്യക്തമാക്കി.
അതേസമയം തന്നെ, നേരത്തെ കെഎസ്ആര്ടിസി ഓര്ഡിനറി ബസുകളില് 12 മണിക്കൂര് സിംഗിള്ഡ്യൂട്ടി നടപ്പാക്കുമെന്ന് മുഖ്യമന്ത്രിയുടെ ഓഫീസ് വാര്ത്താക്കുറിപ്പില് വ്യക്തമാക്കിയിരുന്നു. ഇത് സംബന്ധിച്ച് ഓണത്തിന് മുമ്പ് മുഖ്യമന്ത്രി തൊഴിലാളി യൂണിയനുകളുമായി ചര്ച്ച നടത്തിയിരുന്നു. ഇതിനു പിന്നാലെയാണ് വാര്ത്താക്കുറിപ്പ് ഇറക്കിയത്.
https://www.facebook.com/Malayalivartha
