ഗുരുവായൂര്‍ ക്ഷേത്രം കിഴക്കേ നടപ്പുരയില്‍ ദീപസ്തംഭത്തിനു സമീപം സ്‌റ്റേറ്റ് ബാങ്ക് ഓഫ് ഇന്ത്യയുമായി സഹകരിച്ച് ഇ-ഭണ്ഡാരം ഇന്ന് മുതല്‍ പ്രവര്‍ത്തനം ആരംഭിക്കും.


ബാങ്ക് ജനറല്‍ മാനേജര്‍ ടി.വിജയന്‍ ഇന്നു രാവിലെ 9ന് ഭണ്ഡാര സമര്‍പ്പണം നടത്തും. ക്യു ആര്‍ കോഡ് സ്‌കാന്‍ ചെയ്ത് ഭക്തര്‍ക്ക് തുക നിക്ഷേപിക്കാന്‍ കഴിയും.

അതേസമയം ഗുരുവായൂര്‍ ക്ഷേത്രത്തില്‍ ഓഗസ്റ്റ് മാസത്തെ ഭണ്ഡാരം എണ്ണല്‍ പൂര്‍ത്തിയായപ്പോള്‍ ലഭിച്ചത് അഞ്ച് കോടി 917രൂപ. മൂന്ന് കിലോ 200 ഗ്രാം 500 മില്ലിഗ്രാം സ്വര്‍ണം ലഭിച്ചു. വെള്ളി ലഭിച്ചത് 28കിലോ 150 ഗ്രാം.

നിരോധിച്ച ആയിരം രൂപയുടെ 18 കറന്‍സിയും 500ന്റെ 68 കറന്‍സിയും ലഭിച്ചു. ഇന്‍ഡ്യന്‍ ബാങ്ക് ഗുരുവായൂര്‍ ശാഖയ്ക്കായിരുന്നു ഭണ്ഡാരം എണ്ണല്‍ ചുമതല.