പെരിന്തല്മണ്ണയില് രോഗിയുമായി പോയ ആംബുലന്സ് ഡ്രൈവര്ക്ക് മര്ദ്ദനം... ആശുപത്രിയില് രോഗിയെ എത്തിച്ചെങ്കിലും ജീവന് രക്ഷിക്കാനായില്ല
പെരിന്തല്മണ്ണയില് രോഗിയുമായി പോയ ആംബുലന്സ് ഡ്രൈവര്ക്ക് മര്ദ്ദനം... ആശുപത്രിയില് രോഗിയെ എത്തിച്ചെങ്കിലും ജീവന് രക്ഷിക്കാനായില്ല. രോഗിയുമായി പോയ ആംബുലന്സിന്റെ വഴി കാറുകാരന് തടസ്സപ്പെടുത്തുകയും െ്രെഡവറെ മര്ദിക്കുകയും ചെയ്തത് രോഗിയുടെ മരണത്തിനിടയാക്കിയതായി ആക്ഷേപമുയരുന്നു. ആശുപത്രിയിലെത്തിച്ച രോഗി അരമണിക്കൂറിനുള്ളില് മരിച്ചു. വളാഞ്ചേരി കരേക്കാട് വടക്കേപീടികയില് ഖാലിദ് (35) ആണ് മരിച്ചത്.
ശനിയാഴ്ച ഉച്ചയ്ക്ക് 12.45യോടെയാണ് സംഭവം നടന്നത്. നെഞ്ചുവേദനയും ശ്വാസതടസ്സവുമായി പടപ്പറമ്പിലെ ആശുപത്രിയിലായിരുന്ന ഖാലിദിന് രോഗം കലശലായതോടെ പെരിന്തല്മണ്ണയിലെ സ്വകാര്യ ആശുപത്രിയിലേക്ക് കൊണ്ടുവരുകയായിരുന്നു.
അങ്ങാടിപ്പുറം മേല്പ്പാലത്തിനു സമീപത്തുവെച്ച് മുന്നില്വന്ന കാര് സൈഡ് കൊടുക്കാതെ വഴി തടസ്സപ്പെടുത്തിയതായി ആംബുലന്സ് െ്രെഡവര് അബ്ദുള് അസീസ് പെരിന്തല്മണ്ണ പോലീസില് നല്കിയ പരാതിയില് പറയുന്നു. മേല്പ്പാലം കഴിഞ്ഞ് ആംബുലന്സ് കാറിനെ മറികടന്നപ്പോള് െ്രെഡവര് കാറുകാരോട് അസഭ്യം പറഞ്ഞതായാണ് കാറുകാരുടെ ആരോപണം.
ആംബുലന്സ് ആശുപത്രിയിലെത്തി ഖാലിദിനെ സ്ട്രെച്ചറില് കൊണ്ടുപോകാന് ശ്രമിക്കുന്നതിനിടെയെത്തിയ കാറുകാരന് െ്രെഡവറെ മര്ദിക്കുകയായിരുന്നു. ഇതുകാരണം അല്പംവൈകി തീവ്രപരിചരണ വിഭാഗത്തിലേക്ക് മാറ്റിയ ഖാലിദ് അരമണിക്കൂറിനുള്ളില് മരിച്ചു.
ആംബുലന്സ് െ്രെഡവര് പടപ്പറമ്പ് പാങ്ങ് സ്വദേശി അസീസും ചികിത്സയിലാണ്. അപകടത്തില് പരിക്കേറ്റ കുട്ടിയെയുംകൊണ്ട് ആശുപത്രിയിലേക്ക് വരുകയായിരുന്നു കാറുകാരന് എന്നാണ് സൂചനകള്.
അതേസമയം സൈക്കിളില്നിന്ന് വീണു പരിക്കേറ്റ തന്റെ മകനുമായി അയല്വാസിയും ജ്യേഷ്ഠനും ഭാര്യയും ആശുപത്രിയിലേക്ക് പുറപ്പെട്ടതാണെന്നും വഴിമധ്യേയാണ് സംഭവമെന്നും തിരൂര്ക്കാട് സ്വദേശിയായ കാറുടമ പറയുന്നു. ഖബറടക്കം ഇന്ന് രാവിലെ എട്ടിന് വടക്കുംപുറം പഴയ ജുമുഅത്ത് പള്ളി ഖബര്സ്ഥാനില് നടക്കും.
"
https://www.facebook.com/Malayalivartha
