കോട്ടയം ചിങ്ങവനത്ത് ഉണ്ടായ ബൈക്ക് അപടത്തിന്റെ സിസിടിവി ദൃശ്യങ്ങൾ പുറത്ത്. ചൊവ്വാഴ്ച രാത്രിയായിരുന്നു അപകടം ഉണ്ടായത്. കുമരകത്ത് നിന്നും കാവാലത്തിനു പോവുകയായിരുന്ന ബൈക്ക് യാത്രക്കാരനും, ചിങ്ങവനത്തെ ഹോട്ടലിൽനിന്നു പുറത്തേക്ക് ഇറങ്ങിവരികയായിരുന്ന സ്കൂട്ടർ യാത്രക്കാരുമാണ് അപകടത്തിൽപ്പെട്ടത്.

മാത്രമല്ല ഇവർ പൂവന്തുരുത്ത് സ്വദേശികളാണ്. ഒരു സ്കൂട്ടർ മറ്റൊരു വാഹനത്തെ മറികടക്കാൻ ശ്രമിക്കുന്നതിനിടയാണ് അപകടമുണ്ടായത് എന്ന് പൊലീസ് പറഞ്ഞു. സിസിടിവി ദൃശ്യങ്ങളിൽ നിന്നും വ്യക്തമാകുന്നതും ഇത് തന്നെയാണ്.

അപകടത്തിന് പിന്നാലെ പരിസരത്തുള്ളവർ ഉടൻതന്നെ ചിങ്ങവനം പൊലീസിനെ വിവമരമറിയിച്ചു. തുടർന്ന് സ്റ്റേഷൻ ഹൗസ് ഓഫിസർ ഇൻസ്പെക്ടർ ടി.ആർ. ജിജുവിന്റെ നേതൃത്വത്തിലുള്ള പൊലീസ് സംഭവസ്ഥലത്തെത്തുകയും പരുക്കേറ്റവരെ പൊലീസ് വാഹനത്തിൽ തന്നെ ആശുപത്രിയിൽ എത്തിക്കുകയുമായിരുന്നു. അപകടത്തിൽ വലിയ പരുക്കുകളേറ്റ ഇവരെ ജില്ലാ ആശുപത്രിയിൽനിന്ന് വിദഗ്ധ പരിശോധനകൾക്കായി കോട്ടയം മെഡിക്കൽ കോളജ് ആശുപത്രിയിലേക്കു മാറ്റി. എന്നാൽ സ്കൂട്ടർ യാത്രക്കാരിൽ ഒരാളുടെ നില ഗുരുതരമാണെന്നാണു സൂചന.