രാജ്ഭവനിൽ ഗവർണർക്ക് കിടന്നുറങ്ങാൻ സാധിക്കുന്നില്ല. എന്തെന്നല്ലേ ?മച്ചിലൂടെ മരപ്പട്ടികൾ ഓടുന്നതിനാലാണ് അദേഹത്തിന് ഉറങ്ങാൻ സാധിക്കാത്തത്. അദ്ദേഹം താമസിക്കുന്ന ഗവർണേഴ്സ് അപ്പാർട്ട്മെന്റിന്റെ മച്ചിലൂടെ മരപ്പട്ടികൾ ഓടുകയാണ് . രാത്രിയിൽ വല്ലാത്ത ശബ്ദം അവിടെ നിന്നും കേൾക്കാറുണ്ടത്രെ . മുറികളിൽ ഇവ മൂത്രമൊഴിച്ച് നാശം വിതയ്ക്കുന്നുവെന്നും അദ്ദേഹം പറഞ്ഞു. .

ഉറക്കം നഷ്ടമായപ്പോൾ ,അതിവിശിഷ്ടാതിഥികൾക്കുള്ള പ്രസിഡൻഷ്യൽ സ്യൂട്ടിലേക്ക് ഗവർണർ ആരിഫ് മുഹമ്മദ് ഖാൻ കഴിഞ്ഞ ദിവസം താമസം മാറ്റുകയും ചെയ്തു . ആറുമാസം ഇവിടെയാണ് അദ്ദേഹം ഇനി താമസിക്കുക. രാജ്ഭവൻ വളപ്പിൽ തന്നെയുള്ള ആഡംബര സൗകര്യങ്ങളുള്ള പ്രസിഡൻഷ്യൽ സ്യൂട്ടിൽരാഷ്ട്രപതിക്കും ഉപരാഷ്ട്രപതിക്കും പ്രധാനമന്ത്രിക്കും താമസിക്കാൻ മാത്രമുള്ളതാണ്.

അനന്തപുരി സ്യൂട്ട് എന്നും ഇതിനെ വിളിക്കാറുണ്ട് . രാജ്ഭവൻ കേരളീയ വാസ്തുശിൽപ്പ മാതൃകയിലുള്ള മന്ദിരമാണ്. മുറികളിൽ മച്ചുകളും അതിനു മുകളിൽ പാകിയ ഓടുകളുണ്ട്. മച്ചിനു മുകളിലാണ് മരപ്പട്ടികൾ ഓടി നടക്കുന്നത്.

ഗവർണറുടെ ഉറക്കത്തിനു പോലും തടസമാകുന്നുണ്ട് ഇത്. പൊട്ടിയ ഓടുകൾ മാറ്റാനും മച്ചുകൾ നവീകരിക്കാനും ഗവർണർ നിർദ്ദേശംകൊടുത്ത് കഴിഞ്ഞു. പൊതുമരാമത്ത് വകുപ്പ് അറ്റകുറ്റപ്പണിയും നവീകരണവും തുടങ്ങി. ഇതോടെ ഗവർണർ താമസം മാറ്റി . പ്രസിഡൻഷ്യൽ സ്യൂട്ടാക്കി മാറ്റിയത് തിരുവിതാംകൂർ രാജകുടുംബം ഗസ്റ്റ്ഹൗസായി ഉപയോഗിച്ചിരുന്ന വസതിയാണ് . ആഡംബര സൗകര്യങ്ങളുള്ള വലിയ മുറിയുണ്ട് .

അതിനോട് ചേർന്ന് നാല് മുറികളുണ്ട് . നിലത്തും ഭിത്തികളിലുമെല്ലാം തടിയുടെ പാനലിംഗും മറ്റ് സൗകര്യങ്ങളുണ്ട്. രാഷ്ട്രപതി ഉപരാഷ്ട്രപതി പുറമേ പ്രധാനമന്ത്രി നരേന്ദ്രമോദി എന്നിവർ ഇവിടെ വസിച്ചിട്ടുണ്ട് .ഗവർണർമാർക്കും പ്രസിഡൻഷ്യൽ സ്യൂട്ടിൽ താമസിക്കാൻ സാധിക്കും .