മലപ്പുറത്ത്‌ലഹരി വസ്തുക്കളുമായി മൂന്ന് പേരെ കോട്ടക്കല്‍ പോലീസ് പിടികൂടി... അഞ്ച് ലക്ഷം രൂപ വില വരുന്ന എംഡിഎംഎ ആണ് പ്രതികളില്‍ നിന്ന് പിടിച്ചെടുത്തത്.

പുറങ്ങ് കാഞ്ഞിരമുക്ക് സ്വദേശി മുസ്തഫ ആഷിഖ് (26), പെരുമ്പടപ്പ് ഐരൂര്‍ സ്വദേശികളായ വെളിയത്ത് ഷാജഹാന്‍ (29), വെളിയത്ത് ഹാറൂണ്‍ അലി(29) എന്നിവരെയാണ് പിടികൂടിയത്.

് പ്രതികളില്‍ നിന്ന് പിടിച്ചെടുത്തത് 50 ഗ്രാം ക്രിസ്റ്റല്‍ എംഡിഎംഎ ആണ ്. മലപ്പുറം ഡിവൈഎസ്പി അബ്ദുള്‍ ബഷീര്‍, കോട്ടക്കല്‍ പോലീസ് ഇന്‍സ്പെക്ടര്‍ എം.കെ.ഷാജി എന്നിവരുടെ നേതൃത്വത്തിലാണ് കോട്ടക്കല്‍ പോലീസും ജില്ലാ ആന്റി നര്‍കോട്ടിക് സ്പെഷ്യല്‍ ടീമും ചേര്‍ന്ന് മൂന്ന് പേരെയും പിടികൂടിയത്.

ഇവര്‍ ഒരാഴ്ചയോളമായി അന്വേഷണ ഉദ്യോഗസ്ഥരുടെ നിരീക്ഷണത്തിലായിരുന്നു. കളിപ്പാട്ടങ്ങളുടേയും വാഹന പാര്‍ട്സുകളുടേയും മറവിലാണ് എംഡിഎംഎ കേരളത്തിലേക്ക് കടത്തുന്നതെന്ന് വ്യക്തമാക്കി അന്വേഷണ സംഘം.

ബംഗളൂരുവില്‍ നിന്നാണ് ഇവ എത്തിക്കുന്നത്. ഏജന്റുമാര്‍ ഇവ കേരളത്തിലേക്ക് എത്തിക്കുന്നത് ബസ്, ട്രെയിന്‍ മാര്‍ഗത്തിലൂടെയാണ്. ഇവ പലപ്പോഴും ഒളിപ്പിക്കുന്നത് കളിപ്പാട്ടങ്ങളുടേയും സ്പെയര്‍ പാര്‍ട്സുകളുടേയും ഉള്ളിലാണ് . ബംഗളൂരുവില്‍ എംഡിഎംഎ വിതരണം ചെയ്യുന്നതിനായി പ്രത്യേക സംഘം പ്രവര്‍ത്തിക്കുന്നുണ്ടെന്നും അന്വേഷണ സംഘം.