നരബലിയുടെ ദൃശ്യങ്ങള് പ്രതികള് ഷൂട്ട് ചെയ്തിട്ടുണ്ടെന്ന സംശയവുമായി പൊലീസ്?.... സൈബര് കുറ്റാന്വേഷകരുടെ സഹകരണത്തോടെ ഇന്റര്നെറ്റിലെ അധോലോകമായ ഡാര്ക് വെബില് പൊലീസ് പരിശോധന? ...
നരബലിയുടെ ദൃശ്യങ്ങള് പ്രതികള് ഷൂട്ട് ചെയ്തിട്ടുണ്ടെന്ന സംശയവുമായി പൊലീസ്?.... സൈബര് കുറ്റാന്വേഷകരുടെ സഹകരണത്തോടെ ഇന്റര്നെറ്റിലെ അധോലോകമായ ഡാര്ക് വെബില് പൊലീസ് പരിശോധന? ...
ഡാര്ക്ക് വെബിലെ നിഗൂഢ ഇടങ്ങളായി അറിയപ്പെടുന്ന 'റെഡ് റൂമു'കളില് തത്സമയ കൊലപാതകങ്ങളും ആത്മഹത്യാരംഗങ്ങളും പ്രത്യക്ഷപ്പെടാറുള്ളതായി റിപ്പോര്ട്ടുകളുണ്ട്. ഇത്തരം ഇടങ്ങളില് ഇലന്തൂര് ആഭിചാര കൊലപാതകത്തിന്റെ ദൃശ്യങ്ങള് വന്നിട്ടുണ്ടോയെന്നു കണ്ടെത്താനാണു ശ്രമം.
അതേസമയം നരബലിക്കിരയായ റോസ്ലി, പത്മ എന്നിവരുടെ മൃതദേഹത്തില്നിന്നു മുഹമ്മദ് ഷാഫി ഊരിയെടുത്ത സ്വര്ണാഭരണങ്ങള് പണയം വച്ചതിന്റെ രസീതുകള് ഷാഫിയുടെ വീട്ടില്നിന്നു പിടിച്ചെടുത്തു. കൊല്ലപ്പെട്ട സ്ത്രീകളില് നിന്നെടുത്ത 39 ഗ്രാം സ്വര്ണമാണു സമീപത്തെ പണമിടപാടു സ്ഥാപനത്തില് പണയം വച്ചതെന്നാണു ഷാഫിയുടെ മൊഴി.
അതേസമയം കേസില് കൂടുതല് പരിശോധനയ്ക്കുള്ള നീക്കവുമായി അന്വേഷണ സംഘം. ഭഗവല്സിംഗിന്റെ വീട്ടുവളപ്പില് കൂടുതല് മൃതദേഹങ്ങള് ഉണ്ടെന്ന സംശയത്തെ തുടര്ന്ന് ഇവിടെ ഇന്ന് വിശദമായ പരിശോധന നടത്തും. വീട്ടുവളപ്പില് കൂടുതല് കുഴികളെടുത്ത് പരിശോധന നടത്തും. മൃതദേഹം കണ്ടെത്തുന്നതില് പരിശീലനം നേടിയ പൊലീസ് നായ്ക്കളും ജെ.സി.ബിയും ഉള്പ്പെടെ തെരച്ചിലിന് ഉപയോഗിക്കും.
വീട്ടുവളപ്പില് പരമാവധി കുഴികളെടുത്ത് പരിശോധന നടത്താനാണ് തീരുമാനം. പദ്മം, റോസ്ലി എന്നിവരെ കൂടാതെ മറ്റേതെങ്കിലും സ്ത്രീകളെ നരബലിക്ക് ഇരയാക്കിയിട്ടുണ്ടെങ്കില് അവരുടെ മൃതദേഹവും ഈ വീട്ടുവളപ്പില് കുഴിച്ചിട്ടിരിക്കാം എന്ന നിഗമനത്തിലാണ് പൊലീസിന്റെ പരിശോധന.
കസ്റ്റഡിയിലുള്ള മൂന്നു പ്രതികളെയും എറണാകുളം പൊലീസ് ക്ലബില് ചോദ്യം ചെയ്തു. ലൈലയെയും ഭഗവല് സിംഗിനെയും ചോദ്യം ചെയ്തതില് ഇവരുടെ മൊഴികളില് പൊരുത്തക്കേടുകള് ഉണ്ടായിരുന്നു. മറ്റാരെയെങ്കിലും നരബലി നടത്തിയതായി ഇവര് പറയുന്നില്ലെങ്കിലും ഇവര് എന്തോ മറച്ചുവയ്ക്കുന്നു എന്ന സംശയം പൊലീസിനുണ്ട്. ഇതിനെത്തുടര്ന്നാണ് പരിശോധന.
"
https://www.facebook.com/Malayalivartha
