പകര്ച്ചവ്യാധി പ്രതിരോധനടപടികള്ക്ക് നിയമപ്രാബല്യം നല്കാനുള്ള വ്യവസ്ഥകള് അടങ്ങിയ ഓര്ഡിനന്സ് അംഗീകരിച്ച് ഗവര്ണര്
പകര്ച്ചവ്യാധി പ്രതിരോധനടപടികള്ക്ക് നിയമപ്രാബല്യം നല്കാനുള്ള വ്യവസ്ഥകള് അടങ്ങിയ ഓര്ഡിനന്സ് ഗവര്ണര് അംഗീകരിച്ചു. നിയമസഭയില് അവതരിപ്പിച്ച പൊതുജനാരോഗ്യ ബില് സെലക്ട് കമ്മിറ്റിയുടെ പരിഗണനയിലായതിനാല് നിലവില് നിയമമില്ലെന്ന സാഹചര്യമായിരുന്നു. ഇത് ഒഴിവാക്കാനാണ് പകരം ഓര്ഡിനന്സ് കൊണ്ടുവന്നത്.
1939 ലെ മദ്രാസ് പബ്ലിക് ഹെല്ത്ത് ആക്ട്, 1955 ലെ ട്രാവന്കൂര് കൊച്ചിന് പബ്ലിക് ഹെല്ത്ത് ആക്ട് എന്നിവയിലെ വ്യവസ്ഥകള്കൂടി ഉള്പ്പെടുത്തിയാണ് പൊതുജനാരോഗ്യ ഓര്ഡിനന്സ് തയ്യാറാക്കിയത്.
അതേസമയം മാസ്ക് നിര്ബന്ധമാക്കാനുള്ള ഓര്ഡിനന്സില് ഗവര്ണര് ഒപ്പിട്ടു. മാസ്ക് വീണ്ടും നിര്ബന്ധമാക്കണമോ എന്ന കാര്യം ഓര്ഡിനന്സിന്റെ അടിസ്ഥാനത്തില് സര്ക്കാര് ഇറക്കുന്ന വിജ്ഞാപനത്തിലാകും വ്യക്തമാക്കു.
പൊതുജനാരോഗ്യ ഓര്ഡിനന്സിന് നിയമ പ്രാബല്യം മഷ്ടമായതോടെ ഈ നിയമം നടപ്പാക്കാനാകാത്ത സാഹചര്യമായിരുന്നു. നിയമസഭയില് അവതരിപ്പിച്ച പൊതു ജനാരോഗ്യ ബില് സെലക്ട് കമ്മിറ്റിയുടെ പരിഗണനയിലുമായി ഇതൊഴിവാക്കാനാണ് പകരം ഓര്ഡിനന്സ് കൊണ്ടു വന്നത്.
സര്വകലാശാല നിയമഭേദഗതി അടക്കമുള്ള ബില്ലുകള് ഒപ്പിടാന് വിസമ്മതി്ച് ഗവര്ണര് സര്ക്കാരുമായി ഇടഞ്ഞു നില്ക്കുന്ന സാഹചര്യത്തിലായിരുന്നു ഓര്ഡിനന്സ് അംഗീകാരത്തിനായി സമര്പ്പിച്ചത്.
എന്നാല് ഓര്ഡിനന്സില് മറ്റു വിവാദങ്ങളൊന്നുമില്ലാത്ത സാഹചര്യത്തിലാണ് ഗവര്ണര് അംഗീകരിച്ചത്.
"
https://www.facebook.com/Malayalivartha
