ആ വിളി കേട്ടതും..... റെയില്വേ പാളത്തിലേക്കു കുതിച്ച് ഇരട്ടകളില് ഒരാള്... ആ വയോധികയായ അമ്മയെ രക്ഷിച്ച ആശ്വാസത്തില് പ്ലസ്ടു വിദ്യാര്ഥികളായ ഇരട്ടകള്...
ആ വിളി കേട്ടതും..... റെയില്വേ പാളത്തിലേക്കു കുതിച്ച് ഇരട്ടകളില് ഒരാള്... ആ വയോധികയായ അമ്മയെ രക്ഷിച്ച ആശ്വാസത്തില് പ്ലസ്ടു വിദ്യാര്ഥികളായ ഇരട്ടകള്...
കണ്ണാ... ആ അമ്മയെ രക്ഷിക്കൂ...' എന്ന ഇരട്ടസഹോദരന്റെ നിലവിളി കേട്ടു കണ്ണനെന്ന ആദര്ശ് ആനന്ദ് റെയില്വേ പാളത്തിലേക്കു ഓടി. തൊട്ടരികിലെത്തിയ ട്രെയിനുമുന്നില് പകച്ചുനിന്ന വയോധികയെ ചേര്ത്തുപിടിച്ചു മിന്നല്വേഗത്തില് അപ്പുറത്തേക്കു ചാടി.
കാഴ്ചക്കാരാകട്ടെ തരിച്ചു നിന്ന നിമിഷം. കൊറ്റമ്പള്ളി കൊട്ടയ്ക്കാട്ട് രത്നമ്മ (67)യാണ് ഇരട്ടകളായ ഈ പ്ലസ്ടു വിദ്യാര്ഥികളുടെ( ആദര്ശും സഹോദരന് ആദിത്യനും) മനസ്സാന്നിധ്യത്തില് രക്ഷപ്പെട്ടത്. ഇന്നലെ 9നു ചങ്ങന്കുളങ്ങര പോംസി റെയില്വേ ക്രോസിലായിരുന്നു സംഭവം നടന്നത്.
കേള്വിപരിമിതിയുള്ള രത്നമ്മ സമീപത്തെ ബന്ധുവീട്ടിലേക്കു പോകുന്ന സമയത്ത് ഒരു ട്രെയിന് പോയ ശേഷം അടുത്ത ട്രെയിന് വരുന്നതറിയാതെ ലെവല്ക്രോസ് കടക്കുകയായിരുന്നു. ആളുകള് നിലവിളിച്ചതോ ലോക്കോ പൈലറ്റ് ഹോണ് മുഴക്കിയതോ ഒന്നും ഇവര് അറിഞ്ഞില്ല. ട്രെയിനിന്റെ ചലനം കേട്ട് ഒടുവില് തിരിഞ്ഞുനോക്കിയെങ്കിലും അമ്പരന്ന രത്നമ്മയ്ക്ക് അനങ്ങാനായില്ല.
അപ്പോഴാണ് ആദിത്യന് നിലവിളിച്ചതും ആദര്ശ് പാളത്തിലേക്ക് ഓടിയെത്തിയതും. രക്ഷപ്പെടുത്തിയതിനു തൊട്ടു പിന്നാലെ ട്രെയിന് ഇവരെ കടന്നുപോയി. കുഴഞ്ഞുവീണ രത്നമ്മയെ ഓച്ചിറയിലെ സ്വകാര്യ ആശുപത്രിയിലെത്തിച്ചു.
കുറുങ്ങപ്പള്ളി കൊച്ചു കളീക്കല് (ചിന്നമ്പില്) ആനന്ദന് പിള്ള രാജശ്രീ ദമ്പതികളുടെ മക്കളായ ആദര്ശും ആദിത്യനും തഴവ മഠത്തില് ബിജെഎസ്എം എച്ച്എസ്എസിലെ വിദ്യാര്ഥികളാണ്. ഇരുവരും സ്കൂളിലേക്കു പോകുകയായിരുന്നു. ഇക്കാര്യമറിഞ്ഞ സ്കൂള് അധികൃതര് രണ്ടു പേരെയും അനുമോദിക്കുകയുണ്ടായി.
https://www.facebook.com/Malayalivartha
