പകര്ച്ചവ്യാധി പ്രതിരോധ നടപടികള്ക്ക് നിയമപ്രാബല്യം നൽകാനുള്ള വ്യവസ്ഥകള് അടങ്ങിയ ഓര്ഡിനന്സ് അംഗീകരിച്ചു; മാസ്ക് നിര്ബന്ധമാക്കാനുള്ള ഓര്ഡിനന്സില് ഒപ്പിട്ടു; നിർണ്ണായക നീക്കം നടത്തി ഗവർണർ ആരിഫ് മുഹമ്മദ് ഖാൻ
നിർണായകമായ ചില ബില്ലുകളിൽ ഒപ്പിട്ടിരിക്കുകയാണ് ഗവർണർ ആരിഫ് മുഹമ്മദ് ഖാൻ . മാത്രമല്ല ചില ഓർഡിനൻസുകൾ അദ്ദേഹം അംഗീകരിക്കുകയും ചെയ്തു. പകര്ച്ചവ്യാധി പ്രതിരോധനടപടികള്ക്ക് നിയമപ്രാബല്യം നൽകാനുള്ള വ്യവസ്ഥകള് അടങ്ങിയ ഓര്ഡിനന്സ് ഗവര്ണര് അംഗീകരിച്ചു. നിയമസഭയില് അവതരിപ്പിച്ച പൊതുജനാരോഗ്യ ബില് സെലക്ട് കമ്മിറ്റിയുടെ പരിഗണനയിലായതിനാല് നിലവില് നിയമമില്ലെന്ന സാഹചര്യമായിരുന്നു.
ഇത് ഒഴിവാക്കാനാണ് പകരം ഓര്ഡിനന്സ് കൊണ്ടുവന്നത്. 1939 ലെ മദ്രാസ് പബ്ലിക് ഹെല്ത്ത് ആക്ട്, 1955 ലെ ട്രാവന്കൂര് കൊച്ചിന് പബ്ലിക് ഹെല്ത്ത് ആക്ട് എന്നിവയിലെ വ്യവസ്ഥകള് കൂടി ഉള്പ്പെടുത്തിയാണ് പൊതുജനാരോഗ്യ ഓര്ഡിനന്സ് തയ്യാറാക്കിയത്.
മാസ്ക് നിര്ബന്ധമാക്കാനുള്ള ഓര്ഡിനന്സില് ഗവര്ണര് ഒപ്പിട്ടു. മാസ്ക് വീണ്ടും നിര്ബന്ധമാക്കണമോ എന്ന കാര്യം ഓര്ഡിനന്സിന്റെ അടിസ്ഥാനത്തില് സര്ക്കാര് ഇറക്കുന്ന വിജ്ഞാപനത്തിലാകും വ്യക്തമാക്കുന്നത്. പൊതുജനാരോഗ്യ ഓര്ഡിനന്സിന് നിയമ പ്രാബല്യം നഷ്ടമായതോടെ ഈ നിയമം നടപ്പാക്കാനാകാത്ത സാഹചര്യമായിരുന്നു.
നിയമസഭയില് അവതരിപ്പിച്ച പൊതു ജനാരോഗ്യ ബില് സെലക്ട് കമ്മിറ്റിയുടെ പരിഗണനയിലുമായി.ഇതൊഴിവാക്കാനാണ് പകരം ഓര്ഡിനന്സ് കൊണ്ടു വന്നത്. സര്വകലാശാല നിയമഭേദഗതി അടക്കമുള്ള ബില്ലുകള് ഒപ്പിടാന് വിസമ്മതി്ച്ച് ഗവര്ണര് സര്ക്കാരുമായി ഇടഞ്ഞു നില്ക്കുന്ന സാഹചര്യത്തിലായിരുന്നു ഓര്ഡിനന്സ് അംഗീകാരത്തിനായി സമര്പ്പിച്ചത്.
എന്നാല് ഓര്ഡിനന്സില് മറ്റു വിവാദങ്ങളൊന്നുമില്ലാത്ത സാഹചര്യത്തിലാണ് ഗവര്ണര് അംഗീകരിച്ചത്. ചില വിഷയങ്ങളിൽ സർക്കാരുമായി കൊമ്പു കോർക്കുന്നതിനിടയിലും ചില ഓർഡിനൻസുകളും അതുപോലെ തന്നെ ബില്ലുകളും അദ്ദേഹം അംഗീകരിക്കുകയും ഒപ്പിട്ടിരിക്കുകയും ചെയ്തു എന്നത് വളരെ പ്രധാന്യമർഹിക്കുന്ന കാര്യം തന്നെയാണ്.
അതേസമയം കഴിഞ്ഞ മാസം അദ്ദേഹം ഡൽഹിയിൽ പോകുന്നതിന് മുന്നേ 5 ബില്ലുകളില് ഒപ്പുവെച്ചിരുനു. സര്വ്വകലാശാല, ലോകായുക്ത ബില്ലുകൾ അദ്ദേഹം ഒപ്പിടില്ലെന്ന നിലപാടിലായിരുന്നു. വകുപ്പ് സെക്രട്ടറിമാര് വിശദീകരണം നല്കിയ ബില്ലുകളിലായിരുന്നു ഒപ്പിട്ടത് . ആകെ 11 ബില്ലുകൾ പാസാക്കിയിരുന്നു. അത് ഗവര്ണര്ക്ക് അയക്കുകയും ചെയ്തു .
https://www.facebook.com/Malayalivartha
