ഇലന്തൂരിലെ നരബലി കേസ് ആഭിചാരത്തിൽ ഒതുക്കിനിർത്താൻ ഒതുക്കി നിർത്താൻ ഉന്നതതലത്തിൽ വൻ ഗൂഢാലോചന നടക്കുന്നുവോ എന്ന് സംശയിക്കേണ്ടിയിരിക്കുന്നു. അവയവ മാഫിയയുടെ സാന്നിധ്യം ഇലന്തൂർ കൊലപാതകത്തിൽ സംശയിക്കാമെങ്കിലും ആരോപണം ഉന്നയിക്കാൻ പോലും പോലീസ് മടിക്കുന്നു.

ലൈലയുടെ മൊഴിയിൽ ഷാഫിയ്ക്കു കൊച്ചിയിലെ ഒരു സർക്കാർ സർജനുമായി ബന്ധമുണ്ടെന്നും അദ്ദേഹത്തിന്റെ പോസ്റ്റ്മോർട്ടം നടപടികളിൽ ഷാഫിയും പങ്കാളിയായിട്ടുണ്ടെന്നുമാണ് പറയുന്നത്. ഇത് മാത്രവുമല്ല അവയവ ലോബിക്കാർ എന്ന് സംശയിക്കുന്ന കൊച്ചിയിലെ ഒരു സ്വകാര്യ ആശുപത്രിയിലെ ജീവകാരുണ്യ സംഘടനയ്ക്ക് ഷാഫിയുമായ് ഉള്ള ബന്ധവും സംശയത്തിന്റെ നിഴലിൽ കാര്യങ്ങളെ നിർത്തുന്നു .

അവയവങ്ങൾ മുറിച്ചു മാറ്റി മറ്റൊരു ശരീരത്തിൽ തുന്നിച്ചേക്കൽ മാത്രമല്ല. ഇവയിലെ ദ്രവങ്ങളും മറ്റു ഭാഗങ്ങളും വൻ തോതിൽ മരുന്ന് നിർമാണത്തിനും കോശ ചികിത്സ രംഗത്തും ഉപയോഗിക്കാവുന്നതുമാണ്.ഇന്ത്യൻ നിയമപ്രകാരം ഇവ മനുഷ്യശരീരത്തിൽ നിന്നും എടുക്കാൻ സാധിക്കില്ല. പകരം സമാന ജീവജാലങ്ങളെയാണ് ആശ്രയിക്കുന്നത്.

ഇപ്പോൾ ഇന്ത്യയിൽ ഇത് അനധികൃതമായി മനുഷ്യശരീരത്തിൽ നിന്ന് തന്നെയെടുക്കുന്ന ലോബി പ്രവർത്തിക്കുന്നുവോ എന്ന് സംശയിക്കണം.

ഇലന്തൂരിൽ കണ്ടെടുത്ത മൃതദേഹങ്ങളിൽ ചില ആന്തരിക അവയവങ്ങൾ ഇല്ലെന്നു പൊലീസ് തന്നെയാണ് പറഞ്ഞത്. ആന്തരിക അവയവങ്ങൾ മുറിച്ചു മാറ്റിയെന്നു പ്രതികൾ പറഞ്ഞെങ്കിലും പിന്നീട് കുഴിയിൽ തന്നെ നിക്ഷേപിച്ചു എന്നാണ് പ്രതികൾ നൽകിയിരിക്കുന്ന മൊഴി. എന്നാൽ കുഴിയിൽ നിന്നും അവയവങ്ങൾ ലഭിച്ചിട്ടില്ല.

പത്മയുടെ മൃതദേഹം സംസ്കരിക്കും മുൻപ് അവയവങ്ങൾ വേർപെടുത്തിയതു ശാസ്ത്രീയ രീതിയിലാണെന്നാണ് ഫൊറൻസിക് വിദഗ്ധരുടെ പ്രാഥമിക നിഗമനം. ഒന്നിൽ കൂടുതൽ കത്തികൾ കുറ്റകൃത്യത്തിനു വേണ്ടി ഉപയോഗിച്ചിട്ടുണ്ട്. മനുഷ്യ ശരീരത്തിലെ എളുപ്പം വേർപെടുത്താവുന്ന സന്ധികൾ ഏതെല്ലാമെന്നു മനസ്സിലാക്കിയാണു കത്തി പ്രയോഗിച്ചിരിക്കുന്നത്. ശരീരത്തിന്റെ ഘടന കൃത്യമായി അറിയാവുന്നവർക്കു മാത്രമാണ് ഇതിനു കഴിയുക. ഇത് ഇപ്പോൾ പ്രതി പട്ടികയിൽ ഉള്ളവരെ കൊണ്ട് സാധ്യമാകുമെന്നു പോലീസും വിശ്വസിക്കുന്നില്ല.

എല്ലാ നിയമങ്ങളും അട്ടിമറിക്കുന്ന തരത്തിലാണ് ഇപ്പോൾ അവയവ ലോബിയുടെ പ്രവർത്തനങ്ങൾ എന്ന് വേണം ഇലത്തൂർ കേസ്സോടെ സംശയിക്കാൻ .