സർക്കാർ ഗവർണർ പോര് കൊടുക്കുന്ന സാഹചര്യത്തിൽ പ്രതികരണവുമായി രംഗത്ത് എത്തിയിരിക്കുകയാണ് അഡ്വ. ഹരീഷ് വാസുദേവൻ. 'നിയമസഭ പാസാക്കിയ സർവ്വകലാശാലാ നിയമങ്ങൾക്ക് വിരുദ്ധമായ യുജിസി റെഗുലേഷൻ ആണ് പ്രശ്നം. ആ ഉത്തരവ് റദ്ദാക്കാതെ, പിൻവലിക്കാതെ സ്റ്റേറ്റിന് ഇതിനെതിരെ കോടതിയിൽ ഒരക്ഷരം പറയാൻ പറ്റുമെന്ന് എനിക്ക് തോന്നുന്നില്ല' എന്ന് അദ്ദേഹം കുറിക്കുകയുണ്ടായി.

ഫേസ്ബുക്ക് കുറിപ്പ് ഇങ്ങനെ;

നിയമസഭ പാസാക്കിയ സർവ്വകലാശാലാ നിയമങ്ങൾക്ക് വിരുദ്ധമായ യുജിസി റെഗുലേഷൻ ആണ് പ്രശ്നം. എന്നാൽ ഇത് അംഗീകരിച്ചുകൊണ്ടുള്ള സംസ്ഥാന സർക്കാരിന്റെ ഉത്തരവുണ്ട്. ആ ഉത്തരവ് റദ്ദാക്കാതെ, പിൻവലിക്കാതെ സ്റ്റേറ്റിന് ഇതിനെതിരെ കോടതിയിൽ ഒരക്ഷരം പറയാൻ പറ്റുമെന്ന് എനിക്ക് തോന്നുന്നില്ല.

സ്റ്റേറ്റിന്റെ അധികാരം UGC റെഗുലേഷൻ വഴി കളയുന്നു എന്ന വാദം സ്റ്റേറ്റിന് ഇല്ലാത്തിടത്തോളം പുറത്താരു പറഞ്ഞിട്ടും കാര്യവുമില്ല.

(ആ വിഷയം ഫോളോ ചെയ്യുന്നില്ല : പരിമിതമായ അറിവിൽ എഴുതിയതാണ്) രാജി വെയ്ക്കാൻ നിര്ബന്ധിക്കാനുള്ള ഒരധികാരവും നിയമനാധികാരിക്ക് ഇല്ല, അതും അവരുടെ ഭാഗം കേൾക്കാതെ. Violation of Natural Justice.