മൂന്ന് ക്യാപ്സൂളുകളാക്കി മലാശയത്തിൽ ഒളിപ്പിച്ച് സ്വർണക്കടത്ത്, കരിപ്പൂര് അന്താരാഷ്ട്ര വിമാനത്താവളത്തിൽ രണ്ട് യാത്രക്കാർ പിടിയിൽ
കരിപ്പൂര് അന്താരാഷ്ട്ര വിമാനത്താവളം വഴി സ്വർണക്കടത്താൻ ശ്രമിച്ച രണ്ട് യുവാക്കള് പിടിയില്. എയര് ഇന്ത്യ വിമാനത്തില് ദുബായില് നിന്നെത്തിയ കോഴിക്കോട് ബേപ്പൂര് സ്വദേശി മുഹമ്മദ് അന്സില് നിന്നുമാണ് സ്വര്ണ്ണം കണ്ടെത്തി പിടികൂടിയത്. ഇയാള് മലാശയത്തില് മൂന്ന് ക്യാപ്സൂളുകള് ആക്കിയാണ് സ്വര്ണം ഒളിപ്പിച്ചു കടത്താന് ശ്രമിച്ചത്.
രഹസ്യ വിവരത്തെ തുടര്ന്ന് ഡിആര്ഐഎ ബാച്ച് ഉദ്യോഗസ്ഥര് യാത്രക്കാരനെ തടഞ്ഞുവെച്ചു.തുടർന്നു നടത്തിയ ചോദ്യം ചെയ്യലിലാണ് ഇയാള് മലാശയത്തില് സ്വര്ണമുണ്ടെന്ന് ഉദ്യോഗസ്ഥരോട് പറഞ്ഞത്. തുടര്ന്ന് നടത്തിയ പരിശോധനയില് യുവാവിന്റെ മലാശയത്തില് നിന്നും 715 ഗ്രാം സ്വര്ണം കണ്ടെത്തി പിടികൂടുകയായിരുന്നു. കസ്റ്റംസ് ഉദ്യോഗസ്ഥര് നടത്തിയ പരിശോധനയില് മറ്റൊരു യുവാവില് നിന്നും സ്വര്ണം പിടികൂടി. ദോഹയില് നിന്ന് എത്തിയ മലപ്പുറം സ്വദേശി അസ്കറില് നിന്നുമാണ് 1633 ഗ്രാം സ്വര്ണം കണ്ടെത്തി പിടികൂടിയത്.
https://www.facebook.com/Malayalivartha
