സംസ്ഥാനത്ത് മില്മ പാലിന്റെ വില വര്ദ്ധിപ്പിച്ചേക്കും.... വില വര്ധനയെക്കുറിച്ച് പഠിക്കാന് നിയോഗിച്ച ക്ഷീരകര്ഷകരും വിദഗ്ധരുമടങ്ങുന്ന സമിതിയുടെ റിപ്പോര്ട്ടിനു ശേഷമാകും തീരുമാനം
സംസ്ഥാനത്ത് മില്മ പാലിന്റെ വില വര്ദ്ധിപ്പിച്ചേക്കും....വര്ദ്ധന അടുത്ത മാസം അവസാനത്തോടെ ഉണ്ടായേക്കും. ലിറ്ററിന് 4 മുതല് 5 രൂപ വരെ വര്ദ്ധിച്ചേക്കുമെന്നാണ് സൂചന.
മില്മ പാല് ലിറ്ററിന് അഞ്ചു രൂപയിലേറെ കൂട്ടേണ്ടി വരുമെന്ന് ക്ഷീര വികസന വകുപ്പ് മന്ത്രി ജെ. ചിഞ്ചുറാണി കഴിഞ്ഞ ദിവസം പറഞ്ഞിട്ടുണ്ടായിരുന്നു. വില വര്ധനയെക്കുറിച്ച് പഠിക്കാന് നിയോഗിച്ച ക്ഷീരകര്ഷകരും വിദഗ്ധരുമടങ്ങുന്ന സമിതിയുടെ റിപ്പോര്ട്ടിനു ശേഷമാകും തീരുമാനമെടുക്കുക.
2019 ലാണ് മില്മ പാലിന്റെ വില ഇതിനു മുന്പ് വര്ധിപ്പിച്ചത്. അന്ന് ലിറ്ററിന് നാലു രൂപ കൂട്ടിയപ്പോള് മൂന്നു രൂപ 35 പൈസ ക്ഷീര കര്ഷകര്ക്കാണ് നല്കിയത്. വീണ്ടും വില കൂട്ടാതെ മുന്നോട്ടു പോകാനാകില്ലെന്ന നിലപാടിലാണ് കര്ഷകര്.
മില്മയും സര്ക്കാരിനോട് വില വര്ധനയ്ക്ക് അനുമതി തേടിയിട്ടുണ്ടായിരുന്നു. ജൂലൈയില് ആരംഭിച്ച ഇന്സെന്റീവ് ഡിസംബറില് അവസാനിക്കും. അതിനു ശേഷവും പ്രതിസന്ധി തുടരുമെന്ന വിലയിരുത്തലിലാണ്
പാല് വില വര്ധിപ്പിക്കാനൊരുങ്ങുന്നത്. കാലിത്തീറ്റയുടെ വിലക്കയറ്റമടക്കം ഉല്പ്പാദനച്ചെലവ് താങ്ങാനാവാത്ത സാഹചര്യത്തിലാണെന്നാണ് ക്ഷീരകര്ഷകരും പറയുന്നത്. വില വര്ധനവ് ആശ്വാസമാകുമെന്ന്് കര്ഷകര്.
അതേസമയം ജനുവരി മുതല് വിലവര്ധനവ് ഉണ്ടാകുമെന്നാണ് ലഭിക്കുന്ന സൂചനകള്. വെറ്റിനറി സര്വകലാശാലയിലേയും സര്ക്കാരിന്റേയും മില്മയുടേയും പ്രതിനിധികളാണ് സമിതിയിലുള്ളത്.
"
https://www.facebook.com/Malayalivartha
