വി സിമാരെ പുറത്താക്കാതിരിക്കാന്‍ കാരണം ബോധിപ്പിക്കാനുള്ള അവസാന തീയതി നാളെയാണ്. അവസാന മണിക്കൂറുകളിലേക്ക് അടുക്കുന്നതിനിടയിൽ വിസിമാർ അക്ഷരാർത്ഥത്തിൽ ഗവർണ്ണർക്ക് വഴങ്ങുകയാണ് . ഇപ്പോൾ ഇതാ മലയാളം സര്‍വകലാശാലാ വൈസ് ചാന്‍സലര്‍ (വിസി) ഡോ. അനില്‍ വള്ളത്തോള്‍ കൂടെ ഗവർണ്ണർക്ക് മറുപടി നല്‍കിയിരിക്കുകയാണ് . പുറത്താക്കാതിരിക്കാന്‍ കാരണം ബോധിപ്പിക്കണമെന്നായിരുന്നു ഗവര്‍ണർ ആരിഫ് മുഹമ്മദ് ഖാന്റെ നോട്ടിസ്.

ഇതിന് മറുപടിയെന്നോണം ഇന്നലെ തപാല്‍ മാര്‍ഗമായിരുന്നു മലയാളം സര്‍വകലാശാലാ വൈസ് ചാന്‍സലര്‍ മറുപടി കത്തയച്ചത് . രേവതി പട്ടത്താനത്തിന്റെ ഭാഗമായുള്ള കൃഷ്ണഗീതി പുരസ്കാരം ഏറ്റുവാങ്ങാന്‍ എത്തിയപ്പോൾ താൻ നോട്ടിസ് അയച്ച കാര്യം അദ്ദേഹം പറഞ്ഞത് .എന്നാൽ ഈ വിഷയത്തിൽ പരസ്യ പ്രതികരണത്തിന് അദ്ദേഹം തയാറായില്ല. അക്കാദമിക് മികവുകള്‍ പരിഗണിക്കുമ്പോള്‍ വിസിയായിരിക്കാന്‍ തനിക്ക് എല്ലാവിധ യോഗ്യതയുമുണ്ടെന്നുള്ളതാണ് മറുപടി കത്തിലെ ഉള്ളടക്കമെന്നാണ് ലഭിക്കുന്ന സൂചന.

കത്തിലെ ഉള്ളടക്കം വ്യക്തമാക്കാന്‍ ആഗ്രഹിക്കുന്നില്ലെന്ന് അനില്‍ വള്ളത്തോള്‍ വ്യക്തമാക്കി. ഗവര്‍ണര്‍ക്ക് മറുപടി അറിയിക്കാനുള്ള സമയപരിധി തിങ്കളാഴ്ച വൈകിട്ട് അഞ്ചിന് അവസാനിക്കുകയാണ്. കഴിഞ്ഞ ദിവസം ഡിജിറ്റൽ സർവകലാശാലാ വിസിയും ശ്രീ നാരായണ ഓപ്പൺ സർവകലാശാലാ വിസിയും ഗവർണർ നൽകിയ കാരണം കാണിക്കൽ നോട്ടീസിൽ വിശദീകരണം കൊടുത്തിരുന്നു .

കേരളം വിസി ഡോക്‌ടർ മഹാദേവൻ പിള്ളയും കാരണം കാണിക്കൽ നോട്ടീസ് കൊടുത്തിരുന്നു. വിസി ആക്കാൻ വേണ്ട യോഗ്യതകൾ ഉണ്ടെന്ന വിശദീകരണമാണ് ചാൻസിലറായ ഗവർണ്ണർക്ക് മുൻ വിസിയായിരുന്ന മഹാദേവൻ പിള്ള മറുപടി കൊടുത്തത്. വിസി സ്ഥാനത്ത് എത്തിയത് ചട്ടപ്രകാരമാണെന്നും അദ്ദേഹം ഗവർണറോട് വ്യക്തമാക്കി.

ഗവർണർ രാജി ആവശ്യപ്പെട്ടത് കേരള സർവകലാശാല, എംജി സർവകലാശാല, കുസാറ്റ്, കേരള ഫിഷറീസ് സർവകലാശാല, കണ്ണൂർ സർവകലാശാല, എപിജെ അബ്ദുൽ കലാം സാങ്കേതിക സർവകലാശാല, ശ്രീ ശങ്കരാചാര്യ സംസ്‌കൃത സർവകലാശാല, കാലിക്കറ്റ് സർവകലാശാല, മലയാളം സർവകലാശാല വിസിമാരോടാണ്.യുജിസി ചട്ടം പാലിക്കാതെ നിയമനത്തിന്റെ പേരിൽ സാങ്കേതിക സർവ്വകലാശാല വിസി നിയമനം സുപ്രീംകോടതി റദ്ദാക്കിയിരുന്നുവന്നതും ശ്രദ്ധേയമായ കാര്യമാണ്.

ഈ ഉത്തരവിന്റെ അടിസ്ഥാനത്തിൽ ഒമ്പത് വിസിമാരോട് ഗവർണർ രാജിവെയ്ക്കാൻ ആവശ്യപ്പെടുകയായിരുന്നു . പക്ഷേ രാജി വെക്കാനുള്ള ഗവർണറുടെ നിർദേശം ചോദ്യം ചെയ്ത് വിസിമാർ ഹൈക്കോടതിയെ സമീപിച്ചതോടെ ഗവർണർ കാരണം കാണിക്കൽ നോട്ടീസ് നൽകുകയായിരുന്നു .