കത്ത് വിവാദത്തിൽ വിശദീകരണവുമായി വന്ന മേയർ ആര്യ രാജേന്ദ്രനെ പരിഹസിച്ച് ശ്രീജിത്ത് പണിക്കർ. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

കത്ത് വ്യാജമാണോ?

“അതറിയില്ല. അന്വേഷിക്കണം.”

കത്ത് എഴുതിയത് നിങ്ങളാണോ?

“അല്ല.”

അതിലെ ഒപ്പ് നിങ്ങളുടേതാണോ?

“അല്ല.”

അപ്പോൾ കത്ത് വ്യാജമല്ലേ?

“അതറിയില്ല, അന്വേഷിക്കണം. എന്ന് പറഞ്ഞാണ് കുറിപ്പ് അവസാനിപ്പിച്ചിരിക്കുന്നത്.

അതേസമയം കത്ത് വിവാദത്തിൽ വിശദീകരണവുമായി മേയർ ആര്യ രാജേന്ദ്രൻ രംഗത്ത് വന്നിരുന്നു . ഈ സംഭവത്തിൽ അന്വേഷണം ആവശ്യപ്പെട്ട് മുഖ്യമന്ത്രി പിണറായി വിജയന് പരാതി നൽകിയതായി തിരുവനന്തപുരം കോർപറേഷൻ മേയർ ആര്യ രാജേന്ദ്രൻ പറഞ്ഞു. മേയറുടെ വാക്കുകൾ ഇങ്ങനെ; അത്തരത്തിൽ ഒരു കത്ത് എഴുതുകയോ തയാറാക്കുകയോ ചെയ്തിട്ടില്ല. അതുകൊണ്ടു തന്നെയാണ് ഇതു സംബന്ധിച്ച് മുഖ്യമന്ത്രി പിണറായി വിജയനു പരാതി നൽകിയതെന്നും മേയർ പറഞ്ഞു.