മണിക്കൂറുകള് നീണ്ട ചോദ്യം ചെയ്യല്... അന്വേഷണ സംഘത്തിന് ഗ്രീഷ്മയില് നിന്ന് ലഭിച്ചത് നിര്ണായക വിവരങ്ങള്... ജ്യൂസ് ചലഞ്ച് സംഘടിപ്പിച്ചത് പലതവണ....
മണിക്കൂറുകള് നീണ്ട ചോദ്യം ചെയ്യല്... അന്വേഷണ സംഘത്തിന് ഗ്രീഷ്മയില് നിന്ന് ലഭിച്ചത് നിര്ണായക വിവരങ്ങള്... ജ്യൂസ് ചലഞ്ച് സംഘടിപ്പിച്ചത് പലതവണ....
മുമ്പും ജ്യൂസില് കളനാശിനി കലര്ത്തി ഷാരോണിന് നല്കിയിരുന്നതായി ഗ്രീഷ്മ വെളിപ്പെടുത്തി. മണിക്കൂറുകള് നീണ്ട ചോദ്യം ചെയ്യലിലാണ് അന്വേഷണ സംഘത്തിന് ഗ്രീഷ്മയില്നിന്ന് നിര്ണായക വിവരങ്ങള് കിട്ടിയത്.
പതിന്നാലാം തീയതിക്ക് മുമ്പ് പലപ്പോഴും ജ്യൂസില് കളനാശിനി കലര്ത്തി ഷാരോണിന് നല്കിയിരുന്നതായി അന്വേഷണ സംഘത്തോട് ഗ്രീഷ്മ വെളിപ്പെടുത്തിയതായാണ് വിവരം. ഇതിന്റെ ഭാഗമായാണ് പലതവണ ജ്യൂസ് ചലഞ്ച് സംഘടിപ്പിച്ചത്. കന്യാകുമാരി, കുഴിത്തുറ പഴയ പാലം, നിര്മാണം പുരോഗമിക്കുന്ന ബൈപ്പാസ് എന്നിവിടങ്ങളില് ഷാരോണിനോടൊപ്പം പോയിട്ടുണ്ട്
. ഈ സമയങ്ങളില് ജ്യൂസില് കളനാശിനി കലര്ത്തി നല്കിയിരുന്നു. ചില ദിവസങ്ങളില് ഷാരോണിന് ശാരീരിക അസ്വസ്ഥത അനുഭവപ്പെട്ടപ്പോള് അത് കാലാവധി കഴിഞ്ഞ ജ്യൂസായിരിക്കുമെന്ന് പറഞ്ഞിട്ടുള്ളതായി ഗ്രീഷ്മ വെളിപ്പെടുത്തി. ജ്യൂസ് ചലഞ്ചിന്റെ രംഗങ്ങള് ഷാരോണ് ചിത്രീകരിക്കുന്നത് താന് തടഞ്ഞിരുന്നതായി ഗ്രീഷ്മ അന്വേഷണ സംഘത്തോട് പറഞ്ഞു.
ഇക്കഴിഞ്ഞ പതിന്നാലാം തീയതി ഷാരോണിനെ വീട്ടിലേക്ക് വാട്സ് ആപ്പ് ചാറ്റ് വഴി വിളിച്ചു വരുത്തുകയായിരുന്നു. ഷാരോണ് എത്തുന്നതിനു മണിക്കൂറുകള്ക്ക് മുമ്പ് കഷായത്തില് കളനാശിനി കലര്ത്തി വീട്ടിലെ ഹാളിന് സമീപത്തായി ഷാരോണ് കാണുന്ന തരത്തില് സൂക്ഷിച്ചു. സംസാരവിഷയം പതിയെ കഷായത്തിലേക്ക് ഗ്രീഷ്മ എത്തിച്ചു.
കഷായത്തിന്റെ കയ്പ് സംബന്ധിച്ചു നടന്ന സംസാരത്തിനിടയില് സംശയമുണ്ടെങ്കില് കഷായം കുടിച്ചു നോക്കെന്ന് ഷാരോണിനോട് പറഞ്ഞു. തുടര്ന്ന് കഷായം എടുത്ത് നല്കുകയായിരുന്നു. കഷായം കുടിച്ച ഉടനെ ഷാരോണ് ഛര്ദ്ദിക്കുകയും അത് കയ്പ് മൂലമാണെന്ന് പറഞ്ഞ് ജ്യൂസും നല്കിയതായാണ് ഗ്രീഷ്മ വെളിപ്പെടുത്തിയത്.
വീട്ടില് നടത്തിയ തെളിവെടുപ്പിനിടയില് ഈ രംഗങ്ങള് അന്വേഷണസംഘത്തിന് മുന്നില് പുനരാവിഷ്കരിക്കുകയും ചെയ്തു. വീടിനുള്ളില് നടന്ന തെളിവെടുപ്പ് പോലീസ് സംഘം പൂര്ണമായും ചിത്രീകരിച്ചു.
https://www.facebook.com/Malayalivartha
