വാച്ച് യുവര് നെയ്ബര് എന്ന പേരില് പോലീസിന്റെ പദ്ധതി വരുന്നു എന്ന തരത്തില് സോഷ്യല് മീഡിയയിലെ വലിയ പ്രചരണത്തിന് തീരുമാനം; വാച്ച് യുവര് നെയ്ബര് എന്ന പേരില് പദ്ധതികള് ഇില്ലെന്ന് പോലീസ് തന്നെ വ്യക്തമാക്കി; നടപ്പാക്കുന്നത് മറ്റൊന്ന്
നിന്നെ പോലെ നിന്റെ അയല്ക്കാരനേയും സ്നേഹിക്കുക എന്നത് ബൈബിള് വാക്യമാണ്. എന്നാല് അയല്ക്കാരന് ഒരു ദരിദ്രവാസി എന്നത് പുതിയ വാക്യമാണ്. തൊട്ടടുത്ത് ആര് താമസിക്കുന്നു എന്നു പോലും ആര്ക്കും അറിയാത്ത അവസ്ഥ. ഈ സമയത്താണ് വാച്ച് യുവര് നെയ്ബര് എന്ന പേരില് പോലീസിന്റെ പുതിയ പദ്ധതി എന്നതരത്തില് പ്രചരണം ആരംഭിച്ചത്. അയല്ക്കാരന്റെ മേല് ഒരു ശ്രദ്ധ എന്നാണ് പറഞ്ഞിരുന്നത്. അതിനെ ഒളിഞ്ഞ് നോട്ടമായി വ്യാഖ്യാനിച്ച് വലിയ പ്രചരണമുണ്ടായി.
അവസാനം വാച്ച് യുവര് നെയ്ബര് എന്ന പേരില് നിലവില് പദ്ധതികള് ഇല്ലെന്ന് വ്യക്തമാക്കി പൊലീസ് വകുപ്പ് തന്നെ വ്യക്തമാക്കി. കൊച്ചി സിറ്റി പൊലീസ് നടപ്പാക്കുന്നത് സേ ഹലോ ടു യുവര് നെയ്ബര് എന്ന പദ്ധതിയാണെന്നും പൊലീസ് വാര്ത്താക്കുറിപ്പില് അറിയിച്ചു.അയല്വാസികളുമായി മികച്ച ബന്ധം സ്ഥാപിച്ച് പരസ്പരം സൗഹൃദം ഉറപ്പാക്കുന്നത് വഴി പൊതുസുരക്ഷ ശക്തിപ്പെടുത്തുന്നതിന് കൊച്ചി സിറ്റി പൊലീസ് ആരംഭിച്ച സോഷ്യല് മീഡിയ കാമ്പെയിനാണ് സേ ഹലോ ടു യുവര് നെയ്ബര് എന്നും വാര്ത്താക്കുറിപ്പില് പറയുന്നു.
അയല്വീടുകള് നിരീക്ഷിക്കാന് ജനങ്ങളോട് ആഹ്വാനം ചെയ്തെന്ന വിമര്ശനങ്ങള്ക്ക് പിന്നാലെയാണ് പൊലീസിന്റെ വിശദീകരണം. നഗരങ്ങളിലെ അപ്പാര്ട്ട്മെന്റ് സമുച്ചയങ്ങളില് തൊട്ടയല്പക്കത്തെ താമസക്കാര് ആരെന്നറിയാതെ ഒറ്റപ്പെട്ടു ജീവിക്കുന്നത് സുരക്ഷിതമല്ലെന്ന വിലയിരുത്തലിലാണ് പോലീസ് ഈ പദ്ധതിക്ക് തുടക്കം കുറിച്ചത്.
സുഹൃദ്ബന്ധങ്ങളും കൂട്ടായ്മകളും വര്ദ്ധിപ്പിച്ച് അയല്പക്കങ്ങള് തമ്മില് സൗഹൃദാന്തരീക്ഷം സൃഷ്ടിക്കുക എന്നതാണ് പദ്ധതിയിലൂടെ പോലീസ് ഉദ്ദേശിക്കുന്നത്. ഫ്ളാറ്റുകളിലും മറ്റും ഒറ്റയ്ക്ക് താമസിക്കുന്ന മുതിര്ന്ന പൗരന്മാരുടെയും കുട്ടികളുടെയും സുരക്ഷ ഉറപ്പാക്കാന് അയല്ക്കാര് തമ്മിലുളള നല്ല സൗഹൃദത്തിലൂടെ കഴിയും. അയല്പക്കത്തെ കുടുംബങ്ങള് തമ്മിലുളള പരസ്പര അടുപ്പം കുട്ടികളുടെ ഒത്തചേരലിന് വഴിവയ്ക്കും. അയല്വാസികളെ അടുത്തറിഞ്ഞ് പരസ്പരം കൈത്താങ്ങാകുന്നതിലൂടെ സുരക്ഷിതത്വം വര്ദ്ധിക്കും.
അപ്പാര്ട്ട്മെന്റ് സമുച്ചയങ്ങളിലെ കുട്ടികളുടെ പാര്ക്കുകളിലെ സന്ദര്ശനം, ജോലി സ്ഥലത്തേയ്ക്ക് ഒരുമിച്ചുളള യാത്ര എന്നിവയിലൂടെയും ഗൃഹസന്ദര്ശനങ്ങളിലൂടെയും സൗഹൃദം ഊട്ടിയുറപ്പിക്കാന് പ്രേരിപ്പിക്കുകയാണ് പൊലീസിന്റെ പദ്ധതിയുടെ ലക്ഷ്യം. കഴിഞ്ഞ ഏതാനും മാസങ്ങളായി കൊച്ചി നഗരത്തില് ഈ പദ്ധതി വിജയകരമായി നടപ്പാക്കിവരുന്നതായും വാര്ത്താക്കുറിപ്പ് വ്യക്തമാക്കുന്നു.
പോലീസിന്റെ ഫേസ്ബുക്ക് പോസ്റ്റിന്റെ പൂര്ണ രൂപം
വാച്ച് യുവര് നെയ്ബര് എന്ന പേരില് കേരള പോലീസിന് നിലവില് പദ്ധതികള് ഒന്നുമില്ല. കൊച്ചി സിറ്റി പോലീസ് നടപ്പാക്കുന്നത് സേ ഹലോ റ്റു യുവര് നെയ്ബര് (Say Hello to Your NEighbour - SHYNe - ഷൈന്) എന്ന പദ്ധതിയാണ്.
അയല്വാസികളുമായി മികച്ച ബന്ധം സ്ഥാപിച്ച് പരസ്പരം സൗഹൃദം ഉറപ്പാക്കുന്നതുവഴി പൊതുസുരക്ഷ ശക്തിപ്പെടുത്തുന്നതിന് കൊച്ചി സിറ്റി പോലീസ് ആരംഭിച്ച സോഷ്യല് മീഡിയ ക്യാമ്പയിനാണ് സെ ഹലോ റ്റു യുവര് നെയ്ബര്.
നഗരങ്ങളിലെ അപ്പാര്ട്ട്മെന്റ് സമുച്ചയങ്ങളില് തൊട്ടയല്വക്കത്തെ താമസക്കാര് ആരെന്നറിയാതെ ഒറ്റപ്പെട്ടു ജീവിക്കുന്നത് സുരക്ഷിതമല്ലെന്ന വിലയിരുത്തലിലാണ് പോലീസ് ഈ പദ്ധതിക്ക് തുടക്കം കുറിച്ചത്. സുഹൃദ്ബന്ധങ്ങളും കൂട്ടായ്മകളും വര്ദ്ധിപ്പിച്ച് അയല്പക്കങ്ങള് തമ്മില് സൗഹൃദാന്തരീക്ഷം സൃഷ്ടിക്കുക എന്നതാണ് പദ്ധതിയിലൂടെ പോലീസ് ഉദ്ദേശിക്കുന്നത്.
ഫ്ളാറ്റുകളിലും മറ്റും ഒറ്റയ്ക്ക് താമസിക്കുന്ന മുതിര്ന്ന പൗരന്മാരുടെയും കുട്ടികളുടെയും സുരക്ഷ ഉറപ്പാക്കാന് അയല്ക്കാര് തമ്മിലുളള നല്ല സൗഹൃദത്തിലൂടെ കഴിയും. അയല്പക്കത്തെ കുടുംബങ്ങള് തമ്മിലുളള പരസ്പര അടുപ്പം കുട്ടികളുടെ ഒത്തുചേരലിന് വഴിവയ്ക്കും. അയല്വാസികളെ അടുത്തറിഞ്ഞ് പരസ്പരം കൈത്താങ്ങാകുന്നതിലൂടെ സുരക്ഷിതത്വം വര്ദ്ധിക്കും.
അപ്പാര്ട്ട്മെന്റ് സമുച്ചയങ്ങളിലെ കുട്ടികളുടെ പാര്ക്കുകളിലെ സന്ദര്ശനം, ജോലി സ്ഥലത്തേയ്ക്ക് ഒരുമിച്ചുളള യാത്ര എന്നിവയിലൂടെയും ഗൃഹസന്ദര്ശനങ്ങളിലൂടെയും സൗഹൃദം ഊട്ടിയുറപ്പിക്കാന് പ്രേരിപ്പിക്കുകയാണ് പോലീസിന്റെ പദ്ധതിയുടെ ലക്ഷ്യം. കഴിഞ്ഞ ഏതാനും മാസങ്ങളായി കൊച്ചി നഗരത്തില് ഈ പദ്ധതി വിജയകരമായി നടപ്പാക്കിവരുന്നു.
"
https://www.facebook.com/Malayalivartha
