രാവിലെ തന്നെ ചില നിർണായക തീരുമാനങ്ങളുമായി ഗവർണർ രംഗത്ത് വന്നിരിക്കുകയാണ്. മാധ്യമങ്ങൾക്ക് വിലക്ക് ഏർപ്പെടുത്തിയിരിക്കുകയാണ് അദ്ദേഹം. കൈരളിയോടും മീഡിയ വണ്ണിനോടും സംസാരിക്കില്ല എന്നാണ് ഗവർണർ പറഞ്ഞിരിക്കുന്നത്. ഈ ചാനലുകളിൽ പ്രവർത്തിക്കുന്ന മാധ്യമപ്രവർത്തകരോട് പുറത്തുപോകാൻ അദ്ദേഹം നിർദ്ദേശിക്കുകയും ചെയ്തു. സർക്കാരിനെതിരെ അദ്ദേഹം വീണ്ടും വിമർശനം ഉന്നയിച്ചിരിക്കുകയാണ്.

സർക്കാരിലെ ചിലർ രാജ്ഭവൻ നിയന്ത്രിക്കാൻ ശ്രമിച്ചെന്ന ആരോപണം കൂടെ ഉന്നയിച്ചിരിക്കുകയാണ് ഗവർണർ. താൻ നിയമിച്ചവർക്ക് തന്നെ നിയന്ത്രിക്കാൻ അവകാശമില്ലെന്നും അദ്ദേഹം പറഞ്ഞു. വിസിമാരുടെ മറുപടി കിട്ടിയ ശേഷം തുടർ നടപടി സ്വീകരിക്കുമെന്നാണ് അദ്ദേഹം പറഞ്ഞിരിക്കുന്നത് . മേയറുടെ കത്ത് അടക്കം പരിശോധിക്കുമെന്നും അദ്ദേഹം പറഞ്ഞു. മേയർ എഴുതിയത് പോലുള്ള കത്തുകൾ ഇനിയുമുണ്ട്. അത് പുറത്ത് വരുമെന്നും അദ്ദേഹം പറഞ്ഞു. നിർണ്ണായകമായ കാര്യങ്ങളാണ് അദ്ദേഹം പറഞ്ഞിരിക്കുന്നത്.

മീഡിയ വണ്ണിനോടും കൈരളിയോടും സംസാരിക്കില്ല എന്നദ്ദേഹം പറഞ്ഞു.അവരോടു പുറത്ത് പോകുക എന്ന് കൂടെ അദ്ദേഹം ആഞ്ഞടിച്ചിരിക്കുകയാണ്. എറണാകുളത്ത് നിന്നാണ് അദ്ദേഹം പ്രതികരണം നടത്തിയത്. മേയറുടെ കത്ത് ആയുധമാക്കാൻ ഒരുങ്ങുകയാണ് ഗവർണർ എന്ന സൂചനയാണ് കിട്ടുന്നത്. അതേസമയം ചാനലുകളോട് പോകാൻ പറഞ്ഞു എന്നത് ശ്രദ്ധേയമാണ്.

മാധ്യമപ്രവർത്തകരുടെ ഒരു ലിസ്റ്റ് ഗവർണർക്ക് നൽകാറുണ്ട് ഇത് അനുസരിച്ചാണ് ഗവർണറെ കാണാൻ മാധ്യമങ്ങളെ കയറ്റിവിടുന്നത്.ഈ ലിസ്റ്റിൽ കൈരളിയും ഉണ്ടായിരുന്നു എന്നിട്ടും ഗവർണർ ഇത്തരത്തിലൊരു നടപടി സ്വീകരിച്ചിരിക്കുന്നു എന്നതാണ് ശ്രദ്ധേയം . ഗവർണർ ഓഫീസിന്റെ നിർദ്ദേശപ്രകാരമാണ് കൈരളി മീഡിയവൺ അവിടെ വന്ന് നിന്നത് എന്നിട്ടും ഗവർണർ വന്നിറങ്ങി ആദ്യം പറഞ്ഞത് ഇവരോട് പുറത്തു പോകാനാണ്.