വന്കിടക്കാര് നിയമത്തിന് പുറത്ത് നില്ക്കുന്നു... ലഹരി മാഫിയകള്ക്കെതിരെ കര്ശന നടപടി വേണമെന്ന് സുപ്രിം കോടതി
വന്കിടക്കാര് നിയമത്തിന് പുറത്ത് നില്ക്കുന്നുവെന്നും ലഹരി മാഫിയകള്ക്കെതിരെ കര്ശന നടപടി വേണമെന്നും സുപ്രിം കോടതി. ലഹരി വില്പനയ്ക്ക് പിന്നാലെ യഥാര്ത്ഥ കരങ്ങളെ കണ്ടെത്തുന്നില്ല. പിടിയിലാകുന്നത് ചെറുകിടക്കാര് മാത്രമാണ്. മുഴുവനായി ഇത്തരക്കാരെ നിയമത്തിന് മുന്നില് കൊണ്ടുവരണം.
സംസ്ഥാനങ്ങള് ഇതിന് അതീവ പ്രാധാന്യം നല്കണം. അതിര്ത്തി മേഖലകളില് അടക്കം ലഹരിക്കടത്ത് കൂടുന്നു. കേരളത്തില് നിന്നടക്കമുള്ള ലഹരി കേസ് പരിഗണിക്കുന്നതിനിടെയാണ് നീരിക്ഷണം. ജസ്റ്റിസ് എ എസ് ബൊപ്പണ്ണ, പി എസ് നരസിംഹ എന്നിവരടങ്ങിയ ബെഞ്ചിന്റേതാണ് നീരീക്ഷണം.
മയക്കുമരുന്നിന്റെ നീരാളിക്കൈകളില് പെട്ട് പുനരധിവാസ കേന്ദ്രങ്ങളിലെത്തുന്നവരില് 70 % പേരും വീണ്ടും ലഹരിയുടെ ലോകത്തേക്ക് തിരികെ ചെല്ലുന്നുവെന്നാണ് കണക്കുകള് വ്യക്തമാക്കുന്നത്.
ചികിത്സ കഴിഞ്ഞെത്തുന്നവരെ മുന്വിധിയില്ലാതെ ഉള്കൊള്ളാനും അവര്ക്ക് അഭിമാനത്തോടെ ജീവിക്കാന് അവസരമൊരുക്കാനും നമുക്ക് കഴിയുന്നില്ല. ചെറുപ്രായത്തില് മാരക മയക്കുമരുന്നിന് അടിമയായെങ്കിലും കഠിന പ്രയത്നത്തോടെ തിരികെ കയറി മാതൃകയായി ജീവിക്കുന്ന ചിലരും നമുക്കിടയിലുണ്ട്.
https://www.facebook.com/Malayalivartha
