മേയറുടെ രാജി ആവശ്യപ്പെട്ട് ഇന്നും പ്രതിഷേധം... നഗരസഭയില്‍ മഹിളാ കോണ്‍ഗ്രസ് പ്രതിഷേധം.... പ്രവര്‍ത്തകര്‍ കുത്തിയിരുന്നു പ്രതിഷേധിക്കുന്നു... തള്ളിക്കയറാന്‍ ശ്രമിച്ച പ്രവര്‍ത്തകരെ പോലീസ് തടഞ്ഞു.

കത്ത് വിവാദത്തില്‍ മേയര്‍ ആര്യാ രാജേന്ദ്രന്റെ രാജി ആവശ്യപ്പെട്ട് തിരുവനന്തപുരം നഗരസഭയില്‍ ഇന്നും പ്രതിഷേധമിരമ്പുന്നു. കത്ത് വിവാദത്തില്‍ മേയര്‍ ആര്യാ രാജേന്ദ്രന്റെ രാജി ആവശ്യപ്പെട്ട് തിരുവനന്തപുരം നഗരസഭയില്‍ ഇന്നും പ്രതിഷേധം. നഗരസഭാ വളപ്പിലേയ്ക്ക് കയറി പ്രതിഷേധിച്ച യൂത്ത് കോണ്‍ഗ്രസ് പ്രവര്‍ത്തകരെ പോലീസ് അറസ്റ്റ് ചെയ്തു. ഇവരെ കൊണ്ടുപോകാനൊരുങ്ങിയ വാഹനം പ്രവര്‍ത്തകര്‍ തടഞ്ഞു.

പോലീസ് വാഹനം കടന്നു പോകാതിരിക്കാനായി പ്രവര്‍ത്തകര്‍ കോര്‍പ്പറേഷന്റെ ഗേറ്റ് അടച്ചു. പോലീസ് ബലം പ്രയോഗിച്ചതോടെ ഉന്തും തള്ളുമുണ്ടായി. നേതാക്കള്‍ ഇടപെട്ട് പ്രവര്‍ത്തകരെ അനുനയിപ്പിച്ചാണ് സംഘര്‍ഷത്തിന് അയവു വരുത്തിയത്.

യുഡിഎഫ് നേതാക്കന്‍മാരുടെയും കൗണ്‍സിലര്‍മാരുടെയും ഉപരോധസമരം നഗരസഭാ കവാടത്തില്‍ നടക്കുന്നതിനിടെ യൂത്ത് കോണ്‍ഗ്രസ് പ്രവര്‍ത്തകര്‍ നഗരസഭാ കവാടത്തിലേയ്ക്ക് ഇരച്ച് കയറുകയായിരുന്നു. ഇന്ന് യുവമോര്‍ച്ചയും നഗരസഭയിലേയ്ക്ക് മാര്‍ച്ച് സംഘടിപ്പിച്ചിരിക്കുകയാണ്.