ആനാട് സുനിത കൊലക്കേസ്... ഭാര്യയെ മണ്ണെണ്ണ ഒഴിച്ച് ചുട്ടെരിച്ചു കൊന്ന കേസ് വിചാരണ ഇന്ന് തുടങ്ങും... മണ്ണെണ്ണയൊഴിച്ച് കൊലപ്പെടുത്തി 3 ദിവസം മൃതദേഹം വീട്ടില് സൂക്ഷിച്ച ശേഷം വസ്ത്രങ്ങളും മറ്റും വാരിയിട്ട് കത്തിച്ച് മൃതശരീരത്തിന്റെ ഭാഗങ്ങള് വീട്ടിലെ കക്കൂസിന്റെ സെപ്റ്റിക് ടാങ്കില് വാരിയിട്ടും ഒന്നു മുതല് മൂന്നു വരെ പ്രതികള് ചേര്ന്ന് കൊല നടത്തിയ വീട് വൃത്തിയാക്കി തെളിവ് നശിപ്പിച്ചുവെന്നാണ് കേസ്
11 NOVEMBER 2022 01:57 PM IST
മലയാളി വാര്ത്ത
തിരുവനന്തപുരം ആറാം അഡീഷണല് സെഷന്സ് കോടതിയാണ് പ്രതികളെ വിചാരണ ചെയ്യുന്നത്. സുനിതയുടെ ഭര്ത്താവ് ജോയ് (43), ജോയിയുടെ മാതാവ് ലില്ലി ഭായ് (83), സഹോദരി ജയ(44), എന്നിവരാണ് ഈ കേസിലെ ഒന്നു മുതല് മൂന്നു വരെയുള്ള പ്രതികള്.
2013 ആഗസ്റ്റ് 3 നാണ് കേസിനാസ്പദമായ സംഭവം നടന്നത്. ഒന്നാം പ്രതിയായ ഭര്ത്താവ് ജോയി ഭാര്യ സുനിതയെ ഒഴിവാക്കി മറ്റൊരു സ്ത്രീയെ വിവാഹം കഴിക്കുന്നതിനുവേണ്ടി മനപ്പൂര്വം സുനിതയുടെ മേല് ആരോപണങ്ങള് ഉന്നയിച്ച് ദേഹോപദ്രവം ഏല്പ്പിച്ച് കൊലപ്പെടുത്തിയെന്നാണ് കേസ്.
കൃത്യ ദിവസം വൈകിട്ട് അഞ്ചുമണിയോടെ സുനിതയ്ക്ക് വന്ന ഫോണ്കോളില് കുറ്റമാരോപിച്ച് മണ്വെട്ടിക്കൈ കൊണ്ട് സുനിതയുടെ ശരീരത്തിന്റെ പല ഭാഗത്തും അടിച്ച് സുനിത ബോധരഹിതയായി വീടിനകത്ത് വീണപ്പോള് വീട്ടില് കരുതിയിരുന്ന മണ്ണെണ്ണ സുനിതയുടെ പുറത്തു കൂടെ ഒഴിച്ച് തീ പിടിപ്പിച്ച് കൊലപ്പെടുത്തി. തുടര്ന്ന് സുനിതയുടെ മൃതശരീരം ആഗസ്റ്റ് 6 വരെ വീട്ടിലെ മുറിയില് ഒളിപ്പിച്ച് വസ്ത്രങ്ങളും മറ്റും വാരിയിട്ട് കത്തിച്ച് മൃതശരീരത്തിന്റെ ഭാഗങ്ങള് വീട്ടിലെ കക്കൂസിന്റെ സെപ്റ്റിക് ടാങ്കില് വാരിയിട്ടും ഒന്നു മുതല് മൂന്നു വരെ പ്രതികള് ചേര്ന്ന് കൊല നടത്തിയ വീട് വൃത്തിയാക്കി തെളിവ് നശിപ്പിച്ചു എന്നുള്ളതാണ് പ്രോസിക്യൂഷന് കേസ്.
സംഭവത്തിനുശേഷം പ്രതികള് ഒളിവില് പോയ പ്രതികളെ 2013 ആഗസ്റ്റ് 18 ന് നെടുമങ്ങാട് പോലീസ് അറസ്റ്റ് ചെയ്തിരുന്നു. നെടുമങ്ങാട് റവന്യൂ റിക്കവറി തഹദില്ദാര് ബൈജുന്റെ സാന്നിധ്യത്തില് സെപ്റ്റിക് ടാങ്ക് തുറന്നു പോലീസ് പരിശോധന നടത്തി. നാട്ടുകാരുടെ സാന്നിധ്യത്തില് ടാങ്കിന്റെ മൂട് ഇളക്കി കുഴിയില് ഇറങ്ങി തലയുടെ ഭാഗമാണ് ആദ്യം പുറത്തെടുത്തത്. തലയും ശരീരഭാഗങ്ങളും അഴുകി വേര്പെട്ട നിലയിലായിരുന്നു. കുഴിയിലുണ്ടായിരുന്ന സകല ശരീരഭാഗങ്ങളും പുറത്തെടുത്ത് ഫോറന്സിക് വിദഗ്ധരുടെ സാന്നിധ്യത്തില് പരിശോധിച്ചു. ഒരു ചാക്കില് കെട്ടാവുന്ന അവശിഷ്ടങ്ങള് മാത്രമാണ് കുഴിയിലുണ്ടായിരുന്നത് പോസ്റ്റ്മോര്ട്ടത്തിനുശേഷം അവശിഷ്ടങ്ങള് കോളനിയില് മറവ് ചെയ്തു.
കേസിലെ രണ്ടുമൂന്നും പ്രതികളായ ജോയിയുടെ അമ്മയും സഹോദരിയും കോടതിയില് നിന്നും ജാമ്യം എടുത്ത ശേഷം ഒളിവില് പോയി. ഒന്നാം പ്രതി ജോയി മാത്രമാണ് വിചാരണ നേരിടുന്നത്. 37 സാക്ഷികളെ പ്രോസിക്യൂഷന് വിസ്തരിക്കും.16 രേഖകളും 21 തൊണ്ടി മുതലുകളും പ്രോസിക്യൂഷന് കോടതിയില് ഹാജരാക്കി. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
