ഗവർണറെ ചാൻസിലർ സ്ഥാനത്ത് നിന്നും നീക്കാനുള്ള നീക്കങ്ങൾ ശക്തമാക്കിയിരിക്കുകയാണ് സർക്കാർ. ഇതുമായി ബന്ധപ്പെട്ട ഓർഡിനൻസ് സർക്കാർ കൊണ്ട് വന്നിരുന്നു. ഗവർണറുടെ ഒപ്പ് കിട്ടാനായി ശ്രമിക്കുകയാണ് സർക്കാർ. ഇപ്പോൾ ഇതാ ഈ വിഷയത്തിൽ സർക്കാർ രണ്ടുംകൽപ്പിച്ച് തന്നെ നിൽക്കുകയാണ്.

അതായത് ഗവർണർ ഓർഡിനസിൽ ഒപ്പിട്ടില്ലെങ്കിൽ നിയമ പോരിലേക്ക് കടക്കാനൊരുങ്ങുകയാണ് സർക്കാർ .ഒപ്പിടാൻ ഗവർണർ വിസമ്മതിച്ചാൽ കോടതിയെ സർക്കാർ സമീപിക്കും.ഓർഡിനൻസ് ഇന്ന് രാജ്ഭവനിലേക്ക് അയക്കാൻ തയ്യാറെടുക്കുകയാണ് സർക്കാർ. ഗവർണർ പറഞ്ഞിരിക്കുന്നത് ഓർഡിനൻസ് രാഷ്ട്രപതിക്ക് അയക്കുമെന്നാണ്. എന്നാൽ രാഷ്ട്രപതിക്ക് അയക്കാൻ തക്ക കാരണം ഒന്നും ഓർഡിനസിൽ ഇല്ലെന്നെന്നാണ് സർക്കാർ പറഞ്ഞിരിക്കുന്നത്.

മാത്രമല്ല ഗവർണർ ഓർഡിനൻസ് രാഷ്ട്രപതിക്ക് അയച്ചാലും നിയമസഭയിൽ കൊണ്ട് വരാനാകുമെന്ന് നിയമോപദേശം സർക്കാരിന് കിട്ടിയിട്ടുണ്ട്. എന്തായാലും ഓർഡനൻസിൽ എന്ത് നടപടിയാണ് ഗവർണർ എടുക്കാൻ ഒരുങ്ങുന്നത് എന്നതാണ് ഏവരും ഉറ്റുനോക്കുന്ന കാര്യം.ഇന്ന് ഓർഡിനൻസ് രാജ്ഭവനിലേക്ക് അയക്കുകയാണ് .