എ പി ജെ അബ്ദുൾകലാം യൂണിവേഴ്സിറ്റി താത്കാലിക വിസി നിയമനവുമായി ബന്ധപ്പെട്ട വിഷയത്തിൽ നിർണ്ണായകമായ നീക്കങ്ങൾ ഹൈക്കോടതി നടത്തിയിരിക്കുകയാണ്. സിസ തോമസിനെ നിയമിച്ചതിനെതിരായ ഹർജി ഹൈക്കോടതി ഫയലിൽ സ്വീകരിച്ചിരിക്കുകയാണ്. ഈ വിഷയത്തിൽ ഹർജി നൽകാനുള്ള അവകാശം സർക്കാരിന് ഉണ്ടെന്നും ഹൈക്കോടതി ചൂണ്ടിക്കാണിക്കുകയും ചെയ്തു.

സർക്കാർ നിർദേശിച്ചവരുടെയും ഗവർണർ തലക്കാലികമായി നിയമിച്ച സിസ തോമസിന്റെയും യോഗ്യത അറിയിക്കണമെന്ന നിർദേശം കോടതി കൊടുത്തിരിക്കുകയാണ്. മാത്രമല്ല എല്ലാ കക്ഷികളും ബുധനാഴ്ച്ചയ്ക്ക് മുന്നേ തന്നെ സത്യവാങ്മൂലം സമർപ്പിക്കണമെന്നും ഹൈക്കോടതി നിർദേശിച്ചു. വിസിമാരെ കുറിച്ചുള്ള വ്യവഹാരങ്ങളും തർക്കങ്ങളും വിദ്യാർത്ഥികളെ ബാധിക്കരുതെന്നാണ് ഹൈക്കോടതി എടുത്ത് പറഞ്ഞു എന്നതും ശ്രദ്ധേയമായ കാര്യമാണ്. എന്തായാലും ഈ വിഷയത്തിൽ നിർണായകമായ പരാമർശങ്ങൾ തന്നെയാണ് ഹൈക്കോടതി നടത്തിയിരിക്കുന്നത്.

അതേസമയം കെ ടി യു വിസിക്ക് ചുമതല നിർവഹിക്കാൻ സംരക്ഷണം നൽകണം എന്ന ആവശ്യം രാജ്ഭവൻ ഉന്നയിച്ചിരുന്നു . ചീഫ് സെക്രട്ടറിക്കും ആഭ്യന്തര സെക്രട്ടറിക്കും ഈ കാര്യം ആവശ്യപ്പെട്ട് നിർദേശം നൽകിയിരുന്നു. എസ് എഫ് ഐയുടെ പ്രതിരോധം ശക്തമാകുന്നതിനിടിയിലാണ് ഇത്തരത്തിലൊരു നീക്കം നടത്തിയത് എന്നതാണ് ശ്രദ്ധേയമായ കാര്യം കെ ടി യു വിസിക്കെതിരെ വീണ്ടും എസ് എഫ് ഐ സമരം അഴിച്ച് വിട്ടിരുന്നു. എസ് എഫ് ഐ കെ ടി യു വിസിക്കെതിരെ കരിങ്കൊടി കാണിച്ചിരുന്നു.