ആളൊഴിഞ്ഞ സ്ഥലത്ത് ഒറ്റക്കെത്തുന്ന യുവതികളെ ഉടുമുണ്ടൂരി മുഖം മറച്ച് പീഡനത്തിനിരയാകുന്ന സ്ഫടികം വിഷ്ണു' എന്ന വിഷ്ണു പൊലീസ് പിടിയിൽ. വീട്ടമ്മയുട പരാതിയുടെ അടിസ്ഥാനത്തിലാണ് അറസ്റ്റ്. സ്ഫടികം സിനിമയിലെ ശൈലി പിന്തുടരുന്നതിനാൽ സ്ഫടികം വിഷ്ണു എന്ന പേരിലാണ് ഇയാൾ അറിയപ്പെട്ടിരുന്നത്. ജോലി കഴിഞ്ഞ് ബസിറങ്ങി കാൽനടയായി വീട്ടിലേക്ക് പോകുന്ന സ്ത്രീകളെ വിഷ്ണു നിരീക്ഷിക്കുകയും മറ്റാരും ശ്രദ്ധിക്കുന്നില്ലെന്ന് ഉറപ്പിച്ച ശേഷം പിന്നാലെയെത്തി ഉടുമുണ്ടൂരി സ്തീകളുടെ മുഖത്ത് ചുറ്റിയാണ് പീഡനത്തിന് ഇരയാക്കുന്നത്.

മുണ്ട് മുഖത്ത് ചുറ്റിയശേഷം വലിച്ചിഴച്ച് കുറ്റിക്കാട്ടിലേക്ക് കൊണ്ടുപോയി പീഡിപ്പിക്കുകയാണ് ഇയാളുടെ രീതി. സമാനരീതിയിൽ ഇതിന് മുൻപും ഇയാൾ ആക്രമണം നടത്തിയിരുന്നതയാണ് വിവരം. കഴിഞ്ഞദിവസം കൊടുമ്പ് സ്വദേശിനിയുടെ നേരെ ഇയാൾ ആക്രമണം നടത്തിയിരുന്നു. പാലക്കാട് കോടതി പ്രതിയെ റിമാൻഡ് ചെയ്തു.

മുണ്ട് മുഖത്തേക്ക് ചുറ്റുന്നതിനാല്‍ പ്രതിയെ മനസ്സിലാക്കാന്‍ കഴിയാത്ത സാഹചര്യമുണ്ടായിരുന്നു. എന്നാല്‍ കൃത്യമായ സൂചനകള്‍ ലഭിച്ചതോടെ പൊലീസ് വിഷ്ണുവിനെ പിടികൂടുകയായിരുന്നു. മാനഹാനി ഭയന്ന് ഇത്തരത്തില്‍ ആക്രമണം നേരിട്ട പലരും പുറത്തുപറയുന്നില്ലെന്നാണ് വിവരം. 'സ്ഫടികം വിഷ്ണു' പിടിയിലായതോടെ കൂടുതല്‍ പരാതികള്‍ എത്തും എന്നാണ് പൊലീസ് പ്രതീക്ഷിക്കുന്നത്.