കോൺഗ്രസിൽ നിന്നും കെ പി സി സി അധ്യക്ഷന്‍ കെ സുധാകരനെ പുറത്താക്കുമെന്ന സാഹചര്യത്തിൽ പ്രതികരണവുമായി ബി ജെ പി സംസ്ഥാന അധ്യക്ഷൻ കെ സുരേന്ദ്രൻ. കെ സുധാകരന്റെ ആർഎസ്എസ് അനുകൂല പരാമർശം നടത്തിയതിന് പിന്നാലെയാണ് അനുകൂലിച്ച് കെ സുരേന്ദ്രൻ രംഗത്ത് എത്തിയത്.

അതേസമയം സുധാകരന്റെ മനസ് ബി ജെ പിക്ക് ഒപ്പമാണെന്നും അതേ മനസുള്ള നിരവധി നേതാക്കൾ ഇപ്പോൾ കേരളത്തിലെ കോൺഗ്രസിൽ ഉണ്ടെന്നും സുരേന്ദ്രൻ വ്യക്തമാക്കി. വമ്പൻ ഓഫറുകൾ ലഭിച്ചാൽ കേരളത്തിലെ ഒട്ടുമിക്ക കോൺഗ്രസ് നേതാക്കളും ബി ജെ പിയിൽ ചേരുമെന്നും സുരേന്ദ്രൻ മാധ്യമങ്ങളോട് പറഞ്ഞു.

നിലവിൽ കോൺഗ്രസ് നേതാക്കളുടെ മനസിലുള്ള അരക്ഷിതാവസ്ഥയാണ് കെ സുധാകരനിലൂടെ പുറത്ത് വന്നതെന്നും, കേരളത്തിലെ മാത്രമല്ല , ഇന്ത്യയിലൊട്ടുക്കും കോൺഗ്രസ് നേതാക്കൾക്ക് അരക്ഷിത ബോധമുണ്ടെന്നും അദ്ദേഹം പറഞ്ഞു. അതാണ് യാഥാർത്ഥ്യമെന്നും, കോൺഗ്രസിന് ഇനി എത്രകാലം പിടിച്ച് നിൽക്കാൻ കഴിയുമെന്നും അദ്ദേഹം ചൂണ്ടിക്കാട്ടി.