നെടുമങ്ങാട് കഞ്ചാവുമായി വയോധികൻ പിടിയിൽ. കഞ്ചാവ് കച്ചവടം നടത്തിയതിനെ തുടർന്നാണ് വയോധികനെ പൊലീസ് പിടികൂടിയത്. കരകുളം ഊളൻകന്ന് പുത്തൻ വീട്ടിൽ ഷണ്മുഖൻ (കുഞ്ഞൻ -68) ആണ് അറസ്റ്റിലായത്. 

അതേസമയം കരകുളം എട്ടാം കല്ല് പാലത്തിന് സമീപം ആണ് സംഭവം. സംഭവത്തെ തുടർന്ന് നെടുമങ്ങാട് ഡിവൈ.എസ്.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന നടത്തിയത്. 200രൂപയുടെ ചെറിയ പൊതികളാക്കിയാണ് ഇയാൾ കഞ്ചാവ് വിൽപന നടത്തിയിരുന്നത്.

കേസിൽ എസ്.എച്ച്.ഒ സതീഷ് കുമാർ, എസ്.ഐമാരായ ശ്രീനാഥ്, റോജോ മോൻ, ഷിബു, എ.എസ്.ഐ സജു, എസ്.സി.പി.ഒ സതികുമാർ എന്നിവർ ഉൾപ്പെട്ട സംഘമാണ് ഷണ്മുഖനെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.