അസോസിയേറ്റ് പ്രഫസര് നിയമനം...പ്രിയ വര്ഗീസിന്റെ നിയമനം ചട്ടങ്ങള് പാലിച്ചാണോയെന്ന് ഹൈക്കോടതി
കണ്ണൂര് സര്വകലാശാലയില് അസോസിയേറ്റ് പ്രഫസറായി പ്രിയ വര്ഗീസിന്റെ നിയമനം ചട്ടങ്ങള് പാലിച്ചാണോയെന്ന് ഹൈക്കോടതി. കണ്ണൂര് റജിസ്ട്രാറുടെ സത്യവാങ്മൂലത്തില് കോടതി അതൃപ്തി രേഖപ്പെടുത്തി. അസോസിയേറ്റ് പ്രഫസര് എന്നത് കുട്ടിക്കളിയല്ലെന്നും എല്ലാ നിയമനങ്ങളിലും സുതാര്യതവേണമെന്നും ഹൈക്കോടതി പറഞ്ഞു.
വിസിമാരുടെ ഹര്ജികള് തീര്പ്പാക്കുന്നതുവരെ നോട്ടിസില് തുടര്നടപടിയെടുക്കരുതെന്ന് ഹൈക്കോടതി നേരത്തെ അറിയിച്ചിരുന്നു. വി.സി ആയി തുടരണമെങ്കില് ചാന്സലറുടെ നിര്ദേശം അനുസരിക്കേണ്ടിവരുമെന്നും കോടതി പറഞ്ഞിരുന്നു. പരസ്പരം ചെളിവാരിയെറിയാന് ഇരുവിഭാഗവും ശ്രമിക്കരുതെന്നും കോടതി പറഞ്ഞിരുന്നു. ഗവര്ണറുടെ കാരണം കാണിക്കല് നോട്ടിസിനെതിരായ വി.സിമാരുടെ ഹര്ജികളിലാണ് കോടതി ഇടപെടല്.
പുറത്താക്കാതിരിക്കാന് ഗവര്ണറുടെ കാരണം കാണിക്കല് നോട്ടിസിന് മറുപടി നല്കാനുള്ള സമയ പരിധി അവസാനിക്കുന്നതിന് തൊട്ടു മുന്പ് 10 വൈസ് ചാന്സലര്മാരും രാജ്ഭവന് മറുപടി കൈമാറിയിരുന്നു. സാങ്കേതിക സര്വകലാശാല വിസി സുപ്രീം കോടതി വിധിയെ തുടര്ന്ന് സ്ഥാനം ഒഴിഞ്ഞതിനാല് മറുപടി നല്കിയില്ല.
സുപ്രീം കോടതി വിധിയെ തുടര്ന്ന് 11 വി.സി മാര്ക്കാണ് പിരിച്ചു വിടാതിരിക്കാന് കാരണമുണ്ടെങ്കില് വിശദീകരിക്കാന് ഗവര്ണര് ആവശ്യപ്പെട്ടത്. 11 വിസിമാരുടെ നിയമനം യു ജി സി ചട്ടം അനുസരിച്ചല്ല എന്ന് രാജ്ഭവന് കണ്ടെത്തിയിരുന്നു. വി.സിമാരുടെ ഹര്ജികള് ഇപ്പോള് ഹൈക്കോടതിയുടെ പരിഗണനയിലാണ്. ഗവര്ണറുടെ നോട്ടീസിന് മലയാളം സര്വകലാശാല വൈസ് ചാന്സലര് ഡോ. അനില് വള്ളത്തോള് നേരത്തെ മറുപടി നല്കിയിരുന്നു.
https://www.facebook.com/Malayalivartha
