ഇനി ശരണം വിളിയുടെ നാളുകള്.... മണ്ഡല മഹോത്സവത്തിനായി ശബരിമല നട ഇന്ന് തുറക്കും, അനുഗ്രഹം തേടി ഭക്തലക്ഷങ്ങള് ശബരിമലയിലേക്ക്.....
ഇനി ശരണം വിളിയുടെ നാളുകള്.... മണ്ഡല മഹോത്സവത്തിനായി ശബരിമല നട ഇന്ന് തുറക്കും, അനുഗ്രഹം തേടി ഭക്തലക്ഷങ്ങള് ശബരിമലയിലേക്ക്.....
മണ്ഡല മഹോത്സവത്തിനായി ധര്മ്മ ശാസ്താവിന്റെ തിരുനട ഇന്ന് തുറക്കും. ഉച്ചയ്ക്ക് ശേഷം ഭക്തരെ സന്നിധാനത്തേക്ക് കടത്തിവിടും.നാളെ പുലര്ച്ചെ മുതലേ ദര്ശനം അനുവദിക്കൂ.വൈകിട്ട് അഞ്ചിന് തന്ത്രി കണ്ഠര് രാജീവരരുടെ മുഖ്യകാര്മ്മികത്വത്തില് മേല്ശാന്തി എന്. പരമേശ്വരന് നമ്പൂതിരി നട തുറന്ന് ദീപങ്ങള് തെളിക്കും.
പുതിയ ശബരിമല മേല്ശാന്തി ജയരാമന് നമ്പൂതിരിയുടെയും മാളികപ്പുറം മേല്ശാന്തി ഹരിഹരന് നമ്പൂതിരിയുടെയും അവരോധിക്കല് ചടങ്ങുകള് നടക്കും. ഡിസംബര് 27നാണ് മണ്ഡല പൂജ നടക്കുക.
ജപമാല ധരിച്ച്, വ്രതശുദ്ധിയോടെ ഇരുമുടിക്കെട്ടേന്തി കാടും മലയും താണ്ടി പതിനെട്ടു പടിയേറി ശബരീശ സന്നിധിയിലെത്തി അയ്യപ്പഭഗവാനെ ദര്ശിച്ച് അനുഗ്രഹം നേടുന്നു. കൊവിഡ് സൃഷ്ടിച്ച രണ്ടു വര്ഷത്തെ പ്രതിസന്ധിയകന്നതോടെ സന്നിധാനത്തേക്ക് ഇത്തവണ ഭക്തരുടെ എണ്ണത്തില് വലിയ വര്ദ്ധനയുണ്ടാകുമെന്നാണ് തിരുവിതാംകൂര് ദേവസ്വം ബോര്ഡും സര്ക്കാരിന്റെയും പ്രതീക്ഷ. ആയതിനാല് അതിനുള്ള ഒരുക്കങ്ങള് നിലയ്ക്കലും പമ്പയിലും സന്നിധാനത്തും പൂര്ത്തിയായി.
ദര്ശനസമയം നട തുറക്കുന്നത് പുലര്ച്ചെ 4.00അടയ്ക്കുന്നത് ഉച്ചയ്ക്ക് 1.00നട തുറക്കല് ഉച്ചയ്ക്കുശേഷം 3.00 അടയ്ക്കുന്നത് രാത്രി 11.00മണിക്ക്.
അതേസമയം മലകയറ്റത്തിനിടെ തീര്ത്ഥാടകര്ക്ക് അസ്വസ്ഥത അനുഭവപ്പെട്ടാല് അഞ്ച് മിനിറ്റിനുള്ളില് ശുശ്രൂഷ. തെറാപ്പിസ്റ്റുകളുടെ സേവനം.
അഡ്വാന്സ്ഡ് ലൈഫ് സപ്പോര്ട്ട് ആംബുലന്സുകളും ബേസിക് ലൈഫ് സപ്പോര്ട്ട് ആംബുലന്സുകളും മിനി ബസുകളും സജ്ജം.
നിലയ്ക്കല്, പമ്പ, സന്നിധാനം എന്നിവിടങ്ങളില് ഹൃദയാഘാതം തിരിച്ചറിയുന്ന പരിശോധനയും ഉണ്ടായിരിക്കുന്നതാണ്.
വെര്ച്വല് ക്യൂ സ്പോട്ട് ബുക്കിംഗ് 13 കേന്ദ്രങ്ങളിലുണ്ട്. നിലയ്ക്കലില് മാത്രം 10 ബുക്കിംഗ് കൗണ്ടറുകള്, പന്തളത്ത് ഇന്ഫര്മേഷന് സെന്റര്
സേഫ്സോണില് 24മണിക്കൂര് സേവനം
സുരക്ഷിത യാത്രയ്ക്ക് ശബരിമലയിലേക്കുള്ള 400 കിലോമീറ്റര് റോഡ് മോട്ടോര് വാഹന വകുപ്പിന്റെ സേഫ് സോണ് പദ്ധതിയില്
പത്തനംതിട്ട- പമ്പ, നിലയ്ക്കല്- എരുമേലി, എരുമേലി- മുണ്ടക്കയം, കുമളി- കോട്ടയം, കമ്പംമേട്- കട്ടപ്പന, കുട്ടിക്കാനം- വണ്ടിപ്പെരിയാര് പാതകള് സേഫ് സോണില്. 24മണിക്കൂര് സേവനം. അപകടങ്ങളുണ്ടായാല് ഏഴ് മിനിട്ടിനുള്ളില് സഹായം ലഭ്യമാകും. ഓട്ടോറിക്ഷകളിലും ചരക്ക് വാഹനങ്ങളിലും ശബരിമല യാത്ര അനുവദിക്കില്ല
സുരക്ഷയ്ക്ക് 13,000 പൊലീസുകാര് . ജനുവരി 20 വരെ നീളുന്ന മണ്ഡല,മകരവിളക്ക് തീര്ത്ഥാടനത്തിന് സുരക്ഷയ്ക്കായി ആറു ഫേസുകളായി 13,000 പൊലിസുകാര്.11 സുരക്ഷാ സോണുകള്, 134 സി.സി ടിവി കാമറകള്, ഇടത്താവളങ്ങളില് പൊലീസ് നിരീക്ഷണം.രഹസ്യാന്വേഷണ വിഭാഗം, ഷാഡോ പൊലീസ്, കമാന്ഡോസ്, ദുരന്തനിവാരണ സേന എന്നിവയുമുണ്ടാകും.
https://www.facebook.com/Malayalivartha