ഗോവയില് നടക്കുന്ന 53-ാമത് ഇന്ത്യന് അന്താരാഷ്ട്ര ചലച്ചിത്രോത്സവത്തിന്റെ (ഐ.എഫ്.എഫ്.ഐ) ഒരുക്കങ്ങള് പൂര്ത്തിയായി.... ഓസ്ട്രിയന് ചിത്രം അല്മ ആന്ഡ് ഓസ്കറാണ് ഉദ്ഘാടനചിത്രം, 79 രാജ്യങ്ങളില് നിന്നായി 280 ചലച്ചിത്രങ്ങള് പ്രദര്ശിപ്പിക്കും
ഗോവയില് നടക്കുന്ന 53-ാമത് ഇന്ത്യന് അന്താരാഷ്ട്ര ചലച്ചിത്രോത്സവത്തിന്റെ (ഐ.എഫ്.എഫ്.ഐ) ഒരുക്കങ്ങള് പൂര്ത്തിയായി.... ഓസ്ട്രിയന് ചിത്രം അല്മ ആന്ഡ് ഓസ്കറാണ് ഉദ്ഘാടനചിത്രം, 79 രാജ്യങ്ങളില് നിന്നായി 280 ചലച്ചിത്രങ്ങള് പ്രദര്ശിപ്പിക്കും. ഈമാസം മാസം 20 മുതല് 28വരെയാണ് ചലച്ചിത്രോത്സവം നടക്കുക.
സമാപനചിത്രം ക്രിസ്റ്റോഫ് സനൂസിയുടെ പെര്ഫെക്റ്റ് നമ്പര്. 'ഇന്ത്യന് പനോരമ'യില് 25 ഫീച്ചര്, 20 നോണ് ഫീച്ചര് സിനിമകളും അന്താരാഷ്ട്രവിഭാഗത്തില് 183 സിനിമകളുമുണ്ടാകും.
കണ്ട്രി ഫോക്കസ് ആയി 8 ഫ്രഞ്ച് സിനിമകളും 'ഇന്ത്യന് റീസ്റ്റോര്ഡ് ക്ലാസിക്സ്' വിഭാഗത്തില് എന്.എഫ്.എ.ഐയില് നിന്നുള്ള സിനിമകളും പ്രദര്ശിപ്പിക്കുംന്മ ദാദാസാഹിബ് ഫാല്ക്കെ പുരസ്കാരജേതാവ് ആശ പരേഖിന്റെ ചിത്രങ്ങളുടെ 'ആശ പരേഖ് റെട്രോസ്പെക്റ്റീവ്' ഉണ്ടാകും.
ഇതിഹാസ ചലച്ചിത്രങ്ങളുടെ മികച്ച പ്രിന്റുകള് 'ദി വ്യൂവിംഗ് റൂമി'ല് കാണാം. സിനിമയാക്കാന് കഴിയുന്ന പുസ്തകങ്ങളുടെ പകര്പ്പവകാശ വില്പ്പനയ്ക്കുള്ള വേദിയുമുണ്ട്. ഓസ്കര് പുരസ്കാരം നേടിയ റിച്ചാര്ഡ് ആറ്റന്ബറോയുടെ 'ഗാന്ധി' അടക്കം ഓഡിയോ, സബ്ടൈറ്റിലുകള് തുടങ്ങിയവയുടെ സഹായത്തോടെ ഭിന്നശേഷിക്കാര്ക്കായി പ്രദര്ശിപ്പിക്കും.
പൃഥ്വി കോണനൂരിന്റെ കന്നഡ ചിത്രം ഹഡിനെലന്തു ('ഇന്ത്യന് പനോരമ'), ദിവ്യ കോവാസ്ജിയുടെ 'ദി ഷോ മസ്റ്റ് ഗോ ഓണ്'(കഥേതരസിനിമാ), ഓസ്കാറിലെ മികച്ച വിദേശ ഭാഷാ ചിത്രത്തിനുള്ള വിഭാഗത്തില് ഇന്ത്യയുടെ ഔദ്യോഗിക എന്ട്രിയായ പാന് നളിന്റെ 'ചെല്ലോ ഷോ-ദി ലാസ്റ്റ് ഫിലിം ഷോ', മധുര് ഭണ്ഡാര്ക്കറുടെ 'ഇന്ത്യ ലോക്ക്ഡൗണ്' എന്നിവയും കാണാം.മേളയുടെ ഭാഗമായി ഇക്കുറി ഗോവയിലുടനീളം കാരവനുകളില് സിനിമാ പ്രദര്ശനമുണ്ടാകും. കടല്ത്തീരത്തെ വേദിയിലും ചലച്ചിത്രപ്രദര്ശനം ഒരുക്കുന്നുണ്ട്.
" f
https://www.facebook.com/Malayalivartha
