ഇൻസ്റ്റഗ്രാമിലൂടെ പരിചയപ്പെട്ട് നഗ്നചിത്രങ്ങളും വിഡിയോകളും കൈക്കലാക്കും; രാത്രിയില് പെണ്കുട്ടികളെ വീട്ടില് നിന്ന് പുറത്തെത്തിച്ച് പീഡിപ്പിക്കും; പ്രായപൂർത്തിയാകാത്ത പെൺകുട്ടികളെ പീഡിപ്പിച്ച 18കാരൻ പിടിയിൽ; കൂസലില്ലാതെ ക്യാമറയ്ക്ക് മുന്നിൽ പ്രതി
കൊല്ലത്ത് സമൂഹ മാധ്യമങ്ങളിലൂടെ പരിചയപ്പെട്ട് പെൺകുട്ടികളെ പീഡിപ്പിച്ച 18കാരൻ പിടിയിൽ. ഇൻസ്റ്റഗ്രാമിലൂടെ പരിചയപ്പെട്ട പ്രായപൂർത്തിയാകാത്ത പെൺകുട്ടികളെ പീഡിപ്പിച്ചതിനെ തുടർന്നാണ് പതിനെട്ടുകാരനെ കൊല്ലം കടയ്ക്കല് പോലീസ് പിടികൂടിയത്.
സംഭവത്തെ തുടർന്ന് ഏഴാം ക്ലാസിലും എട്ടിലും പഠിക്കുന്ന പെൺകുട്ടികളെ പീഡിപ്പിച്ച കടയ്ക്കൽ ഇടത്തറ തോട്ടത്തുവിള വീട്ടില് നീരജ് ആണ് അറസ്റ്റിലായത്. ഇൻസ്റ്റഗ്രാമിലൂടെ പരിചയപ്പെട്ട ചടയമംഗലം, കടയ്ക്കൽ പ്രദേശങ്ങളിലെ പ്രായപൂർത്തിയാകാത്ത പെൺകുട്ടികളെയാണ് പ്രതി ലൈംഗികമായി പീഡിപ്പിച്ചത്.
അതേസമയം തന്നെ നീരജിനെതിരെ സമാനമായ വേറെയും കേസുകൾ ഉണ്ടെന്ന് പോലീസ് വ്യക്തമാക്കുന്നു. മാത്രമല്ല പെൺകുട്ടികളുടെ നഗ്നചിത്രങ്ങളും വിഡിയോകളും കൈക്കലാക്കുകയാണ് ആദ്യം ചെയ്യുന്നത്. തുടർന്ന് രാത്രിയില് പെണ്കുട്ടികളെ വീട്ടില് നിന്ന് പുറത്തെത്തിച്ച് ആളൊഴിഞ്ഞ സ്ഥലത്തുവച്ചു പീഡിപ്പിക്കുകയായിരുന്നു.
എന്നാൽ ഇന്നലെ ആളൊഴിഞ്ഞ പ്രദേശത്ത് വച്ച് നാട്ടുകാർ പിടികൂടിയതോടെയാണ് നീരജ് മറ്റു പെൺകുട്ടികളെ ചൂഷണം ചെയ്തുവെന്ന വിവരങ്ങളും പുറത്തു വന്നത്. നീരജിനെ തെളിവെടുപ്പിന് ശേഷം കോടതിയില് ഹാജരാക്കി.
https://www.facebook.com/Malayalivartha