കത്ത് വിവാദത്തിൽ മേയർ ആര്യാ രാജേന്ദ്രന്റെ രാജി ആവശ്യപ്പെട്ട് മഹിളാ കോൺ​ഗ്രസ് പ്രവർത്തകർ നടത്തിയ കോർപ്പറേഷൻ മാർച്ച് സംഘർഷത്തിൽ. വനിതാ പ്രവർത്തകരും പൊലീസും തമ്മിൽ ഉന്തും തള്ളും. പ്രതിഷേധക്കാർ തളളിക്കയറിയതു മൂലം കോർപ്പറേഷൻ മതിൽക്കെട്ട് തകർന്നു. കൈവരികളും തകർന്നു.

പ്രവർത്തകരോട് പിരിഞ്ഞു പോകാൻ പൊലീസ് മുന്നറിയിപ്പ് നൽകുന്നുണ്ടെങ്കിലും ആരും വക വയ്ക്കുന്നില്ല. അഴിമതിക്കാരിയായ മേയർ രാജി വയ്ക്കണണെന്ന ആവശ്യത്തിൽ നിന്നു പിന്നോട്ടില്ലെന്ന് അവർ അറിയിച്ചു. പ്രവർത്തകരെ പൊലീസ് അറസ്റ്റ് ചെയ്തു മാറ്റിത്തുടങ്ങി.