കാത്തിരിപ്പിനൊടുവില്.... ഖത്തര് അണിഞ്ഞൊരുങ്ങി.... 22-ാമത് ഫുട്ബോള് ലോകകപ്പിന് ഞായറാഴ്ച കിക്കോഫ്, ആവേശത്തില് കായികപ്രേമികള്
കാത്തിരിപ്പിനൊടുവില്.... ഖത്തര് അണിഞ്ഞൊരുങ്ങി.... 22-ാമത് ഫുട്ബോള് ലോകകപ്പിന് ഞായറാഴ്ച കിക്കോഫ്, ആവേശത്തില് കായികപ്രേമികള്
അറബ് നാട്ടില് ആദ്യമായി നടക്കുന്ന കപ്പ് ചരിത്ര സംഭവമാക്കാനുള്ള അവസാനത്തെ ഒരുക്കത്തിലാണ് എല്ലാവരും. കളിയുടെ പാരമ്പര്യമില്ലെങ്കിലും കളിനടത്തിപ്പിലെ 'ഖത്തര് മാതൃക' പുതിയൊരു അനുഭവമായേക്കും.
കിക്കോഫിന് മുമ്പ് ഉദ്ഘാടനപരിപാടികള്ക്ക് അല്ഖോറിലെ അല് ബെയ്ത് സ്റ്റേഡിയം സാക്ഷിയാകും. ഇന്ത്യന് സമയം രാത്രി ഏഴോടെ ഉദ്ഘാടനം. രാത്രി ഒമ്പതരയ്ക്കാണ് ആതിഥേയരായ ഖത്തറും ഇക്വഡോറും തമ്മിലുള്ള ആദ്യ കളി.
പാശ്ചാത്യ രാജ്യങ്ങളുടെയും മാധ്യമങ്ങളുടെയും കടുത്ത വിമര്ശവും ആക്ഷേപവും അതിജീവിച്ചാണ് കൊച്ചു രാജ്യം വിശ്വ കായികമാമാങ്കത്തിന് വേദിയൊരുക്കുന്നത്. ലോകകപ്പിനുള്ള 32 ടീമുകളും അന്തിമ പട്ടിക പ്രഖ്യാപിച്ചു. ടീമുകള് എത്താന് തുടങ്ങി. അവസാനവട്ട സൗഹൃദമത്സരങ്ങള് പൂര്ത്തിയായാല് രണ്ടു ദിവസത്തിനുള്ളില് മുഴുവന് ടീമും എത്തും. അഞ്ച് നഗരത്തിലെ എട്ട് സ്റ്റേഡിയവും പൂര്ണസജ്ജമായിരിക്കുകയാണ്. അറബ് പാരമ്പര്യവും കലാരൂപങ്ങളും അണിനിരക്കുന്ന മെഗാമേളയാകും ഒരുക്കുന്നത്.
"
https://www.facebook.com/Malayalivartha
