തെക്കന്‍ ജില്ലകളിലേക്കുള്ള ആദ്യത്തെ അഗ്നിപഥ് ആര്‍മി റിക്രൂട്ട്‌മെന്റ് റാലിക്ക് കൊല്ലം ലാല്‍ ബഹദൂര്‍ ശാസ്ത്രി സ്റ്റേഡിയത്തില്‍ ഒരുക്കങ്ങള്‍ പൂര്‍ത്തിയായി. വ്യാഴാഴ്ച രാവിലെ 6.15-ന് ആര്‍മി റിക്രൂട്ട്‌മെന്റ് ബെംഗളൂരു സോണ്‍ ഡി.ഡി.ജി. ബ്രിഗേഡിയര്‍ എ.എസ്.വലിമ്പേയുടെയും ജില്ലാ പോലീസ് കമ്മിഷണര്‍ മെറിന്‍ ജോസഫിന്റെയും സാന്നിധ്യത്തില്‍ കൊല്ലം കളക്ടര്‍ അഫ്സാന പര്‍വീണ്‍ റാലി ഫ്‌ളാഗ് ഓഫ് ചെയ്യും.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലെ ഉദ്യോഗാര്‍ഥികള്‍ക്കുവേണ്ടി 17 മുതല്‍ 24 വരെയാണ് അഗ്നിവീര്‍ റാലി. മൊത്തം 25,367 ഉദ്യോഗാര്‍ഥികള്‍ രജിസ്റ്റര്‍ ചെയ്തിട്ടുണ്ട്. അതില്‍ 2,000 ഉദ്യോഗാര്‍ഥികളെയാണ് ആദ്യദിനം പങ്കെടുപ്പിക്കുന്നത്.

പുലര്‍ച്ചെ നാലിനുമുമ്പെ തന്നെ ഉദ്യോഗാര്‍ഥികള്‍ എത്തും. നടപടികളും ആരംഭിക്കും. ശാരീരികക്ഷമതാ പരിശോധനയും അതില്‍ വിജയിക്കുന്നവര്‍ക്ക് വൈദ്യപരിശോധനയും നടത്തും. ഓട്ടത്തിനുള്ള ട്രാക്കും ചാട്ടത്തിനുള്ള പിറ്റും സിഗ്സാഗ് ബാലന്‍സ്, പുള്‍അപ്പ് തുടങ്ങിയവയ്ക്കുള്ള ക്രമീകരണങ്ങളും പൂര്‍ത്തിയാക്കി.

കേരളം, കര്‍ണാടക, ലക്ഷദ്വീപ്, മാഹി എന്നിവിടങ്ങളില്‍നിന്നുള്ള ഉദ്യോഗാര്‍ഥികള്‍ക്കായി നഴ്‌സിങ് അസിസ്റ്റന്റ്, മത അധ്യാപകര്‍ എന്നിവയിലേക്കുള്ള ആര്‍മി റിക്രൂട്ട്‌മെന്റ് റാലിയും നവംബര്‍ 26 മുതല്‍ 29 വരെ ഇതേ സ്റ്റേഡിയത്തില്‍ നടക്കും. ഈ വിഭാഗങ്ങളില്‍ 11,500 ഉദ്യോഗാര്‍ഥികള്‍ രജിസ്റ്റര്‍ ചെയ്തിട്ടുണ്ട്. റാലിയുടെ അവസാന ശാരീരികക്ഷമതാ പരിശോധന 28-നും അവസാന വൈദ്യപരിശോധന 29-നും നടക്കും.

അതേസമയം 26 മുതല്‍ 29 വരെ കേരളം, കര്‍ണാടക, ലക്ഷദ്വീപ്, മാഹി എന്നിവിടങ്ങളില്‍ നിന്നുള്ള ഉദ്യോഗാര്‍ഥികള്‍ക്കായി നഴ്‌സിങ് അസിസ്റ്റന്റ്, മത അധ്യാപകര്‍ എന്നിവയിലേക്കുള്ള ആര്‍മി റിക്രൂട്‌മെന്റ് റാലിയും സ്റ്റേഡിയത്തില്‍ നടക്കും.

ഓണ്‍ലൈന്‍ ആയി റജിസ്റ്റര്‍ ചെയ്തവര്‍ക്ക് അഡ്മിറ്റ് കാര്‍ഡ് നല്‍കിയിട്ടുണ്ട്. 25,367 ഉദ്യോഗാര്‍ഥികളാണ് ഈ വിഭാഗത്തിലേക്കു റജിസ്റ്റര്‍ ചെയ്തത്. ഇന്നും നാളെയും 2000 പേര്‍ക്കും വീതവും തുടര്‍ന്നുള്ള ദിവസങ്ങളില്‍ 3000 മുതല്‍ 4000 പേര്‍ക്കുമാണു റാലിയില്‍ പങ്കെടുക്കാന്‍ അവസരം. നഴ്‌സിങ് അസിസ്റ്റന്റ്, മത അധ്യാപക തസ്തികകളിലേക്കുള്ള റിക്രൂട്‌മെന്റ് റാലിക്ക് 11500 പേരും റജിസ്റ്റര്‍ ചെയ്തിട്ടുണ്ട്.

ജനറല്‍ ഡ്യൂട്ടി, ടെക്‌നിക്കല്‍, ക്ലാര്‍ക്ക്, സ്റ്റോര്‍ കീപ്പര്‍ ടെക്‌നിക്കല്‍, ട്രേഡ്‌സ്‌മെന്‍ തുടങ്ങിയ വിഭാഗങ്ങളില്‍ സേനയില്‍ എന്റോള്‍ ചെയ്യുന്നതിനാണ് അഗ്‌നിവീര്‍ റാലി. ഓണ്‍ലൈന്‍ ആയി റജിസ്റ്റര്‍ ചെയ്തവര്‍ക്കു റാലിയില്‍ പങ്കെടുക്കാന്‍ നിശ്ചിത ദിവസം അനുവദിച്ചിട്ടുണ്ട്. ആ ദിവസം എത്തിയാല്‍ മതിയാകും. റാലിയില്‍ പങ്കെടുക്കാനെത്തുന്ന ഉദ്യോഗാര്‍ഥികള്‍ക്ക് ഇന്നു പുലര്‍ച്ചെ 4 മുതല്‍ സ്റ്റേഡിയത്തിലേക്കു പ്രവേശനം അനുവദിക്കും.

ആദ്യ ദിവസങ്ങളില്‍ ശാരീരിക ക്ഷമത പരിശോധനയും വൈദ്യ പരിശോധനയുമാണ്.അവസാന ഘട്ട ശാരീരിക ക്ഷമത പരിശോധന 28നും അവസാന ഘട്ട വൈദ്യ പരിശോധന 29നും നടക്കും. കായികക്ഷമത, വൈദ്യപരിശോധന എന്നിവ വിജയിക്കുന്നവര്‍ക്കു പിന്നീട് എഴുത്തു പരീക്ഷ നടക്കും. ഇതിനുള്ള സ്ഥലം, തീയതി എന്നിവ പിന്നീട് അറിയിക്കും.


ലാല്‍ ബഹാദൂര്‍ സ്റ്റേഡിയത്തിനു സമീപത്തെ ക്യുഎസി റോഡില്‍ നിന്നു സ്റ്റേഡിയത്തിലേക്കു കടക്കുന്ന വഴിയുടെ ആരംഭം മുതല്‍ പരിശോധന തുടങ്ങും. ഉയരം പരിശോധിക്കലാണ് ആദ്യം.

തുടര്‍ന്നു തിരിച്ചറിയല്‍ കാര്‍ഡിന്റെ സ്‌കാനിങ് ഉള്‍പ്പെടെയുള്ള പരിശോധന നടക്കും. ഇതു പൂര്‍ത്തിയായാല്‍ സ്റ്റേഡിയത്തിലേക്കു പ്രവേശനം. ഓട്ടം ആണ് ആദ്യം. തുടര്‍ന്നു വിവിധ കായിക ക്ഷമത പരിശോധനകള്‍. ഓരോ ഘട്ടത്തിലും പരാജയപ്പെടുന്നവര്‍ അപ്പോള്‍ തന്നെ പുറത്താകും.


ഉദ്യോഗാര്‍ത്ഥികള്‍ എല്ലാ രേഖകളും ഒറിജിനല്‍ കൊണ്ടു വരേണ്ടതാണ്. ഓരോന്നിന്റെയും 3 കോപ്പികളും വേണം. അഡ്മിറ്റ് കാര്‍ഡ് മടക്കുകയോ ചുളുക്കുകയോ ചെയ്യരുത്. ആധാര്‍ കാര്‍ഡ്, പാന്‍ കാര്‍ഡ്, ബാങ്ക് പാസ്ബുക്ക്

വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍. 10,12 ക്ലാസുകള്‍ പാസായവര്‍ മാര്‍ക്ക് ഷീറ്റും എട്ടാം ക്ലാസ് പാസായവര്‍ മാര്‍ക്ക് ഷീറ്റിനു പുറമേ ടിസിയും കരുതണം.എന്‍സിസി, സ്‌പോര്‍ട്‌സ്, ഐടിഐ, പോളിടെക്‌നിക് ഡിപ്ലോമ, ഡ്രൈവിങ് ലൈസന്‍സ് തുടങ്ങിയ അധിക യോഗ്യതകള്‍ തെളിയിക്കുന്ന സര്‍ട്ടിഫിക്കറ്റുകള്‍, ഡൊമിസൈല്‍ സര്‍ട്ടിഫിക്കറ്റ്,  പൊലീസില്‍ നിന്നുള്ള സ്വഭാവ സര്‍ട്ടിഫിക്കറ്റ്, വിമുക്ത ഭടന്മാരുമായുള്ള ബന്ധം തെളിയിക്കുന്ന സര്‍ട്ടിഫിക്കറ്റ്, താമസ സ്ഥലം തെളിയിക്കുന്ന സര്‍ട്ടിഫിക്കറ്റ്,നിര്‍ദിഷ്ട മാതൃകയിലുള്ള സത്യവാങ്മൂലം ഉദ്യോഗാര്‍ഥി ഒപ്പിട്ടത്, നിശ്ചിത അളവിലുള്ള പാസ്‌പോര്‍ട്ട് സൈസ് ഫോട്ടോ 20 എണ്ണം. ജാതി മതം തെളിയിക്കുന്ന സര്‍ട്ടിഫിക്കറ്റ്, അവിവാഹിതനാണെന്നു തെളിയിക്കുന്ന സര്‍ട്ടിഫിക്കറ്റ്, സ്‌കൂളില്‍ നിന്നുള്ള സ്വഭാവ സര്‍ട്ടിഫിക്കറ്റ്, റവന്യു തദ്ദേശ സ്ഥാപനങ്ങളില്‍ നിന്നുള്ള സ്വഭാവ സര്‍ട്ടിഫിക്കറ്റ്  എന്നിവ  കരുതേണ്ടതാണ് .

ഉദ്യോഗാര്‍ത്ഥികള്‍ എല്ലാ രേഖകളും ഒറിജിനല്‍ കൊണ്ടു വരേണ്ടതാണ്. ഓരോന്നിന്റെയും 3 കോപ്പികളും വേണം. അഡ്മിറ്റ് കാര്‍ഡ് മടക്കുകയോ ചുളുക്കുകയോ ചെയ്യരുത്.

നിയമനം വാങ്ങി നല്‍കാമെന്നു വാഗ്ദാനം ചെയ്യുന്ന തട്ടിപ്പുസംഘങ്ങള്‍ക്കെതിരെ ജാഗ്രത വേണമെന്നു കരസേന മുന്നറിയിപ്പു നല്‍കി. ഇത്തരക്കാരെ കണ്ടെത്താന്‍ കര്‍ശന നിരീക്ഷണ സംവിധാനം ഏര്‍പ്പെടുത്തി.