പ്രിയ വർഗീസിനെ വിമർശിച്ച് ഹൈക്കോടതി. കോടതിയിൽ സംഭവിക്കുന്നത് അവിടെത്തന്നെ നിർത്തണം എന്ന നിർദ്ദേശമാണ് പ്രിയ വർഗീസിന് കൊടുത്തിരിക്കുന്നത്. സംഭവിക്കുന്നത് അസുഖകരമായ കാര്യങ്ങൾ ആണെന്നും ഹൈക്കോടതി പറഞ്ഞു. പ്രിയ വർഗീസിന്റെ ഫേസ്ബുക്ക് പോസ്റ്റിനെയും ഹൈക്കോടതി വിമർശിക്കുകയുണ്ടായി. കോടതിയിൽ പല കാര്യങ്ങളും വാദത്തിനിടയിൽ പറയും.

അത് പൊതുജനത്തിന് മനസ്സിലാകണമെന്നില്ലെന്നും കോടതി ചൂണ്ടിക്കാണിച്ചു കക്ഷികൾ കോടതിയെ ശത്രുവായി കാണേണ്ടതില്ലെന്നും കോടതി വ്യക്തമാക്കി. നാഷണൽ സർവീസ് സ്കീമിന്റെ പ്രവർത്തനങ്ങളോട് ബഹുമാനമെന്നും കോടതി ചൂണ്ടിക്കാണിച്ചു. കുഴിവെട്ട് എന്ന പ്രയോഗം പറഞ്ഞതായി ഓർക്കുന്നില്ല എന്നാണ് ഹൈക്കോടതി ഇപ്പോൾ വ്യക്തമാക്കിയിരിക്കുന്നത്.നിയമന നീക്കത്തിനെതിരായ ഹർജിയിൽ വിധി അല്പസമയത്തിനകം വരും.

അതേസമയം കണ്ണൂർ സർവകലാശാല അസോഷ്യേറ്റ് പ്രഫസർ നിയമനത്തിൽ ഹൈക്കോടതി പ്രിയ വർഗീസിനെ വിമർശിക്കുകയായിരുന്നു കോടതി . അധ്യാപന പരിചയം കെട്ടുകഥയാവരുതെന്നായിരുന്നു പ്രിയ വർഗീസിനോട് കോടതി നിർദേശിച്ചത്. നാഷനൽ സർവീസ് സ്കീമിനു വേണ്ടി കുഴി വെട്ടിയതൊന്നും അധ്യാപന പരിചയമാകില്ലെന്നും കോടതി വിമർശിച്ചിരുന്നു . ഇതിന് മറുപടിയെന്നോണം പ്രിയ വർഗീസ് ഒരു ഫെയിസ്ബുക്ക് പോസ്റ്റു പങ്കു വച്ചിരുന്നു .

നാഷനൽ സർവീസ് സ്കീമിനു വേണ്ടി കുഴിയല്ല കക്കൂസ് വെട്ടിയെങ്കിലും അഭിമാനം മാത്രം എന്നാണു പ്രിയ വർഗീസ് പോസ്റ്റിട്ടിരിക്കുന്നത്. ‘അതു ഞാനല്ല പക്ഷേ നിങ്ങളാണ്’ എന്ന് എഴുതിയ നാഷനൽ സർവീസ് സ്കീമിന്റെ ചിത്രവും കുറിപ്പിനൊപ്പം പ്രിയ പങ്കുവയ്ക്കുകയും ചെയ്തു. പക്ഷെ പോസ്റ്റ് വിവാദമായിരുന്നു. അപ്പോഴേക്കും പ്രിയ വർഗീസ് ആ പോസ്റ്റ് ഡിലീറ്റ് ചെയ്യൂകയുണ്ടായി.