ശബരിമലയില് അയ്യപ്പദര്ശനത്തിനായി തീര്ത്ഥാടകരുടെ കാത്തുനില്പ്പ് പന്ത്രണ്ട് മണിക്കൂറിലധികം നീണ്ടതോടെ ദര്ശന സമയം ഒരു മണിക്കൂര് കൂടി ദീര്ഘിപ്പിക്കാന് തീരുമാനം
ശബരിമലയില് അയ്യപ്പദര്ശനത്തിനായി തീര്ത്ഥാടകരുടെ കാത്തുനില്പ്പ് പന്ത്രണ്ട് മണിക്കൂറിലധികം നീണ്ടതോടെ ദര്ശന സമയം ഒരു മണിക്കൂര് കൂടി ദീര്ഘിപ്പിക്കാന് തീരുമാനം.
മുഖ്യമന്ത്രിയുടെ നേതൃത്വത്തില് ചേര്ന്ന ഉന്നതതലയോഗമാണ് തീരുമാനമെടുത്തത്. ശബരിമല തീര്ത്ഥാടകര്ക്ക് തൃപ്തികരമായ ദര്ശനം ഉറപ്പാക്കാന് പ്രതിദിന ദര്ശനം 90,000 ആയി പരിമിതപ്പെടുത്തും.
നിലയ്ക്കലില് പാര്ക്കിംഗിന് കൂടുതല് സൗകര്യം ഒരുക്കാനും തീരുമാനമായി. ദേവസ്വം മന്ത്രിയും യോഗത്തില് പങ്കെടുത്തു. തിരക്കുള്ള ദിവസങ്ങളില് ദര്ശനസമയം അരമണിക്കൂര് കൂടി കൂട്ടി രാത്രി 11.30ന് ഹരിവരാസനം പാടി നടയടയ്ക്കാനായി ഇന്നലെ തീരുമാനമായിരുന്നു.
സാധാരണ 11നായിരുന്നു നടയടയ്ക്കുന്നത്. തന്ത്രിയുമായും മേല്ശാന്തിയുമായും ആലോചിച്ചാണ് ദര്ശന സമയം കൂട്ടിയതെന്ന് ദേവസ്വം ബോര്ഡ് .തിരക്കേറിയതോടെ ഉച്ചയ്ക്കുശേഷം നട തുറക്കുന്നത് അരമണിക്കൂര് നേരത്തേ മൂന്ന് മണിക്കാക്കിയത് തുടരുന്നുണ്ട്.
https://www.facebook.com/Malayalivartha
