ചാന്സലര് സ്ഥാനത്ത് നിന്ന് ഗവര്ണറെ മാറ്റാനുള്ള ബില് നിയമസഭ ഇന്ന് പാസ്സാക്കും....സബ്ജക്ട് കമ്മിറ്റിക്ക് വിട്ട ബില്ലാണ് ഇന്ന് ചര്ച്ച ചെയ്ത് പാസ്സാക്കുന്നത്, ബില് നിയമസഭ പാസ്സാക്കിയാലും ഗവര്ണര് ഒപ്പിടില്ല, ബില്ലിനെ പ്രതിപക്ഷം എതിര്ക്കും
ചാന്സലര് സ്ഥാനത്ത് നിന്ന് ഗവര്ണറെ മാറ്റാനുള്ള ബില് നിയമസഭ ഇന്ന് പാസ്സാക്കും....സബ്ജക്ട് കമ്മിറ്റിക്ക് വിട്ട ബില്ലാണ് ഇന്ന് ചര്ച്ച ചെയ്ത് പാസ്സാക്കുന്നത്, ബില് നിയമസഭ പാസ്സാക്കിയാലും ഗവര്ണര് ഒപ്പിടില്ല, ബില്ലിനെ പ്രതിപക്ഷം എതിര്ക്കും
ചാന്സലര് സ്ഥാനത്തു നിന്നും ഗവര്ണറെ മാറ്റുന്നതിനോട് യോജിപ്പാണെന്ന് പറഞ്ഞെങ്കിലും ബദല് സംവിധാനത്തോടുള്ള എതിര്പ്പുള്ളതിനാല് ബില്ലിനെ പ്രതിപക്ഷം എതിര്ക്കും. ഗവര്ണര്ക്ക് പകരം പ്രമുഖരായ വിദ്യാഭ്യാസ വിദഗ്ധരെ ചാന്സലറാക്കണം എന്നാണ് ബില്ലിലെ നിര്ദ്ദേശം. വിസി ഇല്ലെങ്കില് പകരം ചുമതല പ്രോ വിസിക്കോ മറ്റ് സര്വകലാശാല വിസിമാര്ക്കോ നല്കും എന്നായിരുന്നു കരട് ബില്ലിലെ വ്യവസ്ഥ.
ഇത് യുജിസി മാര്ഗ നിര്ദേശത്തിന് വിരുദ്ധമാണെന്നാണ് പ്രതിപക്ഷ നിലപാട്. അതേസമയം രാജി വയ്ക്കാതിരിക്കാന് കാരണം കാണിക്കാന് നോട്ടീസ് നല്കിയ വൈസ് ചാന്സര്മാരുടെ ഹിയറിംഗ് നടത്തി ഗവര്ണര് ആരിഫ് മുഹമ്മദ് ഖാന്. നോട്ടീസ് നല്കിയ ഒന്പതുപേരില് നാലുപേര് നേരിട്ട് രാജ്ഭവനിലെത്തി ഹാജരായി.
കണ്ണൂര്, എംജി സര്വകലാശാലാ വിസിമാര് എത്തിയില്ല. കേരള മുന് വി.സി. വിപി മഹാദേവന് പിള്ള, ഡിജിറ്റല് സര്വ്വകലാശാല വി.സി സജി ഗോപിനാഥ്, ഓപ്പണ് സര്വകലാശാലാ വി.സി മുബാറക് പാഷ, കുസാറ്റ് വി.സി. ഡോ.മധു എന്നിവരാണ് നേരിട്ടെത്തിയത്. എം.ജി വിസി ഡോ.സാബു തോമസ് വിദേശ സന്ദര്ശനത്തിലായതിനാലാണ് ഹാജരാകാതിരുന്നത്.
അടുത്തമാസം മൂന്നിന് എംജി വിസിയ്ക്കായി പ്രത്യേക ഹിയറിംഗ് നടത്തും. മറ്റുള്ളവരുടെ അഭിഭാഷകരാണ് എത്തിയത്. ഹിയറിംഗിന് ശേഷം വിശദമായ റിപ്പോര്ട്ട് രാജ്ഭവന് ഹൈക്കോടതിയ്ക്ക് കൈമാറും. കോടതി വിധിയ്ക്ക് ശേഷം മതി തുടര് നടപടിയെന്നുള്ള തീരുമാനവുമായി ഗവര്ണര്.
"
https://www.facebook.com/Malayalivartha
