സിൽവർലൈനുമായി മുന്നോട്ടെന്ന തീരുമാനത്തിൽ ഉറച്ചിരിക്കുകയാണ് സർക്കാർ. ഇതിന് പിന്നാലെ സിൽവർലൈനുമായി ബന്ധപ്പെട്ട് സർക്കാർ ഇറക്കിയ ഉത്തരവും പ്രതിഷേധക്കാർക്കെതിരെയുള്ള കേസുകളും പിൻവലിക്കില്ലെന്ന് നിയമസഭയിലും ആവർത്തിക്കുകയാണ് മുഖ്യമന്ത്രി പിണറായി വിജയൻ.

അതേസമയം കേന്ദ്ര ധനകാര്യ മന്ത്രാലയത്തിന്റെയും റെയിൽവേ മന്ത്രാലയത്തിന്റെയും മാനദണ്ഡങ്ങൾക്കനുസരിച്ചാണ് ഭൂമി ഏറ്റെടുക്കൽ നടപടിക്രമങ്ങളുൾപ്പെടെയുള്ള പ്രവർത്തനങ്ങളുമായി സർക്കാർ മുന്നോട്ടുപോയതെന്നും, പഠനത്തിന്റെ അടിസ്ഥാനത്തിലാകും ഭൂമി ഏറ്റെടുക്കണമോയെന്ന് തീരുമാനിക്കുയെന്നും മുഖ്യമന്ത്രി പറഞ്ഞു.

എന്നാൽ നിലവിൽ ഭൂമി ഏറ്റെടുത്തിട്ടില്ല. ഈ സാഹചര്യത്തിൽ ഭൂമി ക്രയവിക്രയം ചെയ്യുന്നതിന് തടമസമില്ലെന്നും മുഖ്യമന്ത്രി വ്യക്തമാക്കി. പക്ഷേ ഉത്തരവ് പിൻവലിച്ചാൽ മാത്രമേ വായ്‌പ ഉൾപ്പെടെ ലഭിക്കൂവെന്ന് പി.സി.വിഷ്ണുനാഥ് ചൂണ്ടിക്കാട്ടിയെങ്കിലും അതിന്റെ ആവശ്യമില്ലെന്ന് മുഖ്യമന്ത്രി ചൂണ്ടിക്കാട്ടി.