ചങ്ങനാശേരി വീണ്ടും... ലോക്സഭാ തെരഞ്ഞെടുപ്പിന് മുന്കൂട്ടിയൊരുങ്ങാന് സിപിഎം: മന്ത്രിമാരും പിബി അംഗങ്ങളും ജനുവരിയില് ഭവന സന്ദര്ശനം നടത്തും; കഴിഞ്ഞ തെരഞ്ഞെടുപ്പില് ശബരിമലയില് ഒഴുകിപ്പോയി; ഇപ്പോള് വെല്ലുവിളിയായി വിഴിഞ്ഞവും കല്ലിടലും ബഫര് സോണും; സര്ക്കാരിന് മുന്നറിയിപ്പുമായി എന്എസ്എസ്
സമാധാനപരമായ ശബരിമല സീസണ് നടക്കുമ്പോള് അതിന് പിന്നില് കഴിഞ്ഞ ലോക്സഭാ തെരഞ്ഞെടുപ്പിന് വലിയ പ്രാധാന്യമുണ്ട്. യുവതീ പ്രവേശനം ഉയര്ത്തിപ്പിടിച്ച പാര്ട്ടിയുടെ വിജയം ഒറ്റ എംപിയിലായി. അതോടെ അട് ചുരുട്ടിക്കെട്ടി.
2024-ല് നടക്കുന്ന ലോക്സഭാ തെരഞ്ഞെടുപ്പിനുള്ള മുന്നൊരുക്കങ്ങള്ക്ക് തുടക്കമിടാന് സിപിഎം ഒരുങ്ങി. ഇതിന്റെ ആദ്യപടിയായി സര്ക്കാരിന്റെ ഭരണനേട്ടങ്ങള് നേരില് ജനങ്ങളിലെത്തിക്കാന് മന്ത്രിമാരും സിപിഎം പിബി അംഗങ്ങളും രംഗത്തിറങ്ങും. പിണറായി സര്ക്കാരിന്റെ ഭരണ നേട്ടങ്ങള് വിശദീകരിക്കുന്ന ലഘു രേഖകളുമായിട്ടാവും മന്ത്രിമാരുടേയും പിബി അംഗങ്ങളുടേയും ഭവന സന്ദര്ശനം.
ജനുവരി ഒന്ന് മുതല് 21 വരെയാണ് ഭവന സന്ദര്ശം. ഇന്ന് ചേര്ന്ന സിപിഎം സംസ്ഥാന കമ്മിറ്റി യോഗത്തിലാണ് ഭവനസന്ദര്ശനം നടത്തി ഭരണനേട്ടങ്ങള് ജനങ്ങളിലെത്തിക്കാനുള്ള തീരുമാനമുണ്ടായത്.
അതേസമയം യുഡിഎഫിന് ബഫര് സോണ് വിഷയത്തില് ഇരട്ടത്താപ്പന്ന് സിപിഎം സംസ്ഥാന കമ്മിറ്റി വാര്ത്താക്കുറിപ്പില് കുറ്റപ്പെടുത്തി .യുഡിഎഫ് സര്ക്കാരിന്റെ കാലത്തെ ബഫര് സോണ് നിലപാട് വ്യക്തമാക്കുന്ന രേഖ പുറത്തുവിടാന് സി പി എം സംസ്ഥാന കമ്മിറ്റിയോഗം തീരുമാനിച്ചു. പഴയ നിലപാട് മറച്ചുവെച്ച് രാഷ്ട്രീയനേട്ടം ഉണ്ടാക്കാന് യുഡിഎഫ് ശ്രമിക്കുന്നുവെന്നും സിപിഎം വിലയിരുത്തി.
കേന്ദ്രസര്ക്കാര് സംസ്ഥാനത്തെ സാമ്പത്തിക ഞെരുക്കത്തിലേക്ക് എത്തിക്കുവെന്ന കാര്യം ചൂണ്ടിക്കാട്ടി പ്രചാരണം ശക്തിപ്പെടുത്താനും യോഗം തീരുമാനിച്ചു. വിഴിഞ്ഞം സമരം ഒത്തുതീര്പ്പാക്കിയതില് ഇന്നത്തെ സിപിഎം സംസ്ഥാന കമ്മിറ്റി യോഗം സര്ക്കാരിനെ അനുമോദിച്ചു. വിഴിഞ്ഞം സമരം അവസാനിപ്പിക്കാന് സര്ക്കാര് നടത്തിയത് മികച്ച ഇടപെടലെന്ന് സിപിഎം സംസ്ഥാന കമ്മിറ്റി വിശദീകരിച്ചു.
അതേസമയം ബഫര് സോണ് വിഷയത്തില് സംസ്ഥാന സര്ക്കാരിന് മുന്നറിയിപ്പുമായി എന്എസ്എസ്. ബഫര് സോണിന്റെ പേരില് ജനങ്ങളെ കുടിയൊഴിപ്പിക്കേണ്ടി വന്നാല് സര്ക്കാര് വലിയ വില നല്കേണ്ടി വരുമെന്ന് എന്എസ്എസ് ജനറല് സെക്രട്ടറി ജി.സുകുമാരന് നായര് പ്രസ്താവനയിലൂടെ മുന്നറിയിപ്പ് നല്കി. ബഫര്സോണുമായി ബന്ധപ്പെട്ട പ്രശ്നം നിലനില്ക്കുന്ന എല്ലാ പഞ്ചായത്തുകളിലും വിദഗ്ദ്ധരെ ഉള്പ്പെടുത്തി പ്രത്യേക സമിതികള് രൂപീകരിക്കണം.
സുപ്രീംകോടതിയില് നിന്നുള്ള സമയം നീട്ടി കിട്ടാന് വേണ്ട നടപടി സ്വീകരിക്കണമെന്നും ജി.സുകുമാരന് നായര് പറഞ്ഞു. ബഫര് സോണുമായി ബന്ധപ്പെട്ട പ്രശ്നങ്ങള്ക്ക് ശാശ്വത പരിഹാരം കണ്ടെത്താന് സര്ക്കാര് ശ്രമിക്കണമെന്നും അദ്ദേഹം കൂട്ടിച്ചേര്ത്തു. അതേസമയം ബഫര്സോണില് വിവാദമായ ഉപഗ്രസര്വ്വെ റിപ്പോര്ട്ട് മാറ്റി 2021 ല് കേന്ദ്രത്തിന് നല്കിയ സീറോ ബഫര്സോണ് റിപ്പോര്ട്ട് അടിസ്ഥാന രേഖയാക്കാന് സര്ക്കാര് തീരുമാനിച്ചു.
ഇന്ന് തന്നെ ഭൂപടം അടങ്ങിയ സീറോ ബഫര് സോണ് റിപ്പോര്ട്ട് പ്രസിദ്ധീകരിച്ച് പരാതികള് കേള്ക്കും. അതേ സമയം ഉപഗ്രഹസര്വ്വെ റിപ്പോര്ട്ട് സുപ്രീം കോടതിയില് നല്കുമോ എന്നതില് സര്ക്കാര് വ്യക്തമായ മറുപടി നല്കുന്നില്ല. ഉപഗ്രഹ സര്വേയുമായി ബന്ധപ്പെട്ട എല്ലാ പരാതികളും കേള്ക്കുമെന്നും ഫില്ഡ് സര്വേയിലൂടെ എല്ലാം പരിഹരിക്കുമെന്നും ഇന്നലെ മാധ്യമങ്ങളെ കണ്ട മുഖ്യമന്ത്രി പറഞ്ഞു.
വ്യാപക പരാതികളും പ്രതിഷേധങ്ങളും ഉയരുന്ന സാഹചര്യത്തിലാണ് റിമോട്ട് സെന്സിംസ്ഗ് ആന്റ് എന്വിയോണ്മെന്റ് സെന്റര് തയ്യാറാക്കിയ ഉപഗ്രഹ സര്വ്വെ റിപ്പോര്ട്ടിന് പകരം 2021 ലെ സീറോ ബഫര്സോണ് റിപ്പോര്ട്ടിന് സര്ക്കാര് ഊന്നല് നല്കുന്നത്. ജനവാസകേന്ദ്രങ്ങളെ പൂര്ണ്ണമായും ബഫര്സോണില് നിന്നും ഒഴിവാക്കിയാണ് സര്ക്കാര് 2021 വനം പരിസ്ഥിതി മന്ത്രാലയത്തിന് റിപ്പോര്ട്ട് നല്കിയത്. ഈ റിപ്പോര്ട്ടിനറെ ഉള്ളടക്കമാണ് സര്ക്കാറിന്റെ നയമെന്ന് അറിയിച്ച് പ്രതിഷേധം തണുപ്പിക്കാനാണ് ശ്രമം, ബഫര്സോണ് മേഖലയെ കുറിച്ച് തയ്യാറാക്കിയ പ്രത്യേക ഭൂപടവും റിപ്പോര്ട്ടിന്റെ ഭാഗമാണ്. ഇത് പ്രസിദ്ധീകരിച്ച് ബഫര്സോണില് നിന്നും കൂടുതലെന്തെങ്കിലും ഒഴിവാക്കണമെങ്കില് അതും ചെയ്യാമെന്നാണ് സര്കക്കാര് വാഗ്ദാനം.
https://www.facebook.com/Malayalivartha
