ഇങ്ങനെ ആണെങ്കിൽ ഇത് അധികം കാലം നിലനിൽക്കില്ല. ഒടുവിൽ ആ കാര്യവും തുറന്നടിച്ച് ഗവർണർ ആരിഫ് മുഹമ്മദ് ഖാൻ. രാഷ്ട്രീയമായ ഐക്യം അധികം നീളില്ലെന്നാണ് അദ്ദേഹം പറഞ്ഞിരിക്കുന്നത്. ആത്മീയമായ ഐക്യം മനസിലാണ്. അതുകൊണ്ട് അത് കാലാതീതമാണ് എന്നാണ് അദ്ദേഹം പറഞ്ഞരിക്കുന്നത് . ഈയൊരു കാര്യത്തിന് അടിത്തറയിട്ടതാകട്ടെ ശ്രീ ശങ്കരാചാര്യരാണ് എന്നും അദ്ദേഹം വ്യക്തമാക്കുകയും ചെയ്തു. കേരളം ദൈവത്തിന്റെ സ്വന്തം നാടാണ് എന്നും അദ്ദേഹം പറഞ്ഞു . വലിയൊരു കൂട്ടം നിരീശ്വര വാദികളായിട്ടും ഒരുപാട് ആത്മീയ ഗുരുക്കൻമാരുടെ നാട് കൂടിയാണിത് എന്നതാണ് ശ്രദ്ധേയമായ കാര്യം.

അറിവും ജ്ഞാനവും വിവേകവും ഉയർത്തി രാജ്യത്തിന്റെ സംസ്‌കാരം ഉയർത്തിയ നാടാണിതെന്നും അദ്ദേഹം കേരളത്തെ കുറിച്ച് പറഞ്ഞു. കേരളത്തിന്റെ ആത്മീയ പാരമ്പര്യത്തെ പ്രകീർത്തിച്ചു ഗവർണർ . കോഴിക്കോട് കൊളത്തൂർ അദ്വൈതാശ്രമത്തിൽ പ്രസ്ഥാന ത്രയഭാഷ്യങ്ങളുടെ സമ്പൂർണ പാരായണയജ്ഞ പരിപാടികളുടെ സമാപന സമ്മേളനം ഉദ്ഘാടനം ചെയ്യുന്നതിനിടയിലാണ് അദ്ദേഹം ഈ കാര്യങ്ങൾ സംസാരിച്ചത്.സ്വാമി മേധാനന്ദപുരി അദ്ധ്യക്ഷത വഹിച്ചു. സ്വാമി ഹരിബ്രഹ്മേന്ദ്രാനന്ദ തീർത്ഥ, സ്വാമിനി ശിവാനന്ദപുരി, സ്വാമി ചിദാനന്ദ പുരി എന്നിവർ പ്രസംഗിച്ചു.

അതേസമയം കഴിഞ്ഞ ദിവസം ഗവർണർ ക്രിസ്തുമസ് ആഘോഷിച്ചിരുന്നു. ചുവന്ന തൊപ്പിയൊക്കെ വച്ച് അദ്ദേഹം ക്രിസ്തുമസ് ആഘോഷമാക്കി. കുറെ അമ്മമാർക്കും അച്ഛൻമാർക്കും ഒപ്പമാണ് ക്രിസ്തുമസ് ആഘോഷമാക്കിയത്. സന്തോഷത്തോടെ ഗവർണർ ക്രിസ്മസ് കേക്ക് ഒക്കെ മുറിക്കുകയായിരുന്നു.

ഗവർണറുടെ ക്രിസ്മസ് ആഘോഷം കോട്ടൂളി ഹോം ഒഫ് ലവ് വയോജന ഹോമിലായിരുന്നു. അവിടെയുള്ള വയോജനങ്ങൾക്കൊപ്പം ചേർന്ന് അദ്ദേഹം ക്രിസ്മസ് ആഘോഷമാക്കി മാറ്റിയത് . ഹോം ഡയറക്ടർ സിസ്റ്റർ ആൻസിലിൻ ആണ് ഗവർണറെ ബൊക്കെ നൽകി സ്വീകരിച്ചത്. സിസ്റ്റർ ജയ, ടിന, അനീറ്റ എന്നിവർ സ്വാഗത ഗാനം പാടുകയും ചെയ്തു. സ്റ്റേജിലേക്ക് വന്ന ഗവർണറെ സ്വീകരിച്ചത് ഭിന്നശേഷിക്കാരിയായ പെൺകുട്ടി ആലപിച്ച മനോഹര ഗാനമായിരുന്നു .