സ്നേഹത്തിന്റേയും സന്തോഷത്തിന്റെയും സാഹോദര്യത്തിന്റേയും സന്ദേശം ഉണര്ത്തി ഒരു ക്രിസ്തുമസ് ദിനം കൂടി.......... ഉണ്ണിയേശുവിന്റെ തിരുപ്പിറവിയെ ആഘോഷത്തോടെ വരവേറ്റ് ലോകം, പ്രിയ വായനക്കാര്ക്ക് മലയാളിവാര്ത്തയുടെ ക്രിസ്തുമസ് ദിന ആശംസകള്
സ്നേഹത്തിന്റേയും സന്തോഷത്തിന്റെയും സാഹോദര്യത്തിന്റേയും സന്ദേശം ഉണര്ത്തി ഒരു ക്രിസ്തുമസ് ദിനം കൂടി.......... ഉണ്ണിയേശുവിന്റെ തിരുപ്പിറവിയെ ആഘോഷത്തോടെ വരവേറ്റ് ലോകം,.
ഇന്ന് ലോകത്തെമ്പാടുമുള്ള ജനങ്ങള് ക്രിസ്തുമസ് ആഘോഷിക്കുകയാണ്. യേശു ക്രിസ്തുവിന്റെ ജനനമാണ് ക്രിസ്തുമസായി ആഘോഷിക്കുന്നത്. ലോകത്തെമ്പാടുമുള്ള ആളുകള് മുഴുവന് ഒരുപോലെ ആഘോഷിക്കുന്ന ആഘോഷങ്ങളാണ് ക്രിസ്മസും ന്യൂ ഇയറും. ശാന്തിയുടെയും സമാധാനത്തിന്റെയും ആഘോഷമായ ക്രിസ്മസിനെ ആഘോഷത്തോടെ വരവേറ്റിരിക്കുകയാണ് നാടും നഗരവുമെല്ലാം.വര്ണാഭമായ ലൈറ്റുകളാല് നിറഞ്ഞ് പള്ളികളും പരിസരവും.
ക്രിസ്തുമസിനോടനുബന്ധിച്ച് താമരശ്ശേരി രൂപത ബിഷപ് റെമീജിയോസ് ഇഞ്ചനാനിയിലിന്റെ നേതൃത്വത്തില് താമരശ്ശേരി മേരിമാതാ കത്തീഡ്രലില് തിരുക്കര്മ്മങ്ങള് നടന്നു.
ക്രിസ്മസിനോടനുബന്ധിച്ച് തിരുവനന്തപുരത്തെ പള്ളികളില് പ്രത്യേക പ്രാര്ത്ഥനകളും കുര്ബാനയും നടന്നു. പട്ടം സെന്റ് മേരീസ് പള്ളിയില് കര്ദിനാള് ക്ലീമ്മിസ് കാതോലിക ബാവ പ്രാര്ത്ഥനകള്ക്ക് നേതൃത്വം നല്കി. പളളിയിലെ ഗായക സംഘം അവതരിപ്പിച്ച ക്രിസ്മസ് കരോളുമുണ്ടായിരുന്നു.
പാളയം സെന്റ് ജോസഫ്സ് കത്തീഡ്രലില് രാത്രി 11.30ന് പാതിരാ കുര്ബാന നടന്നു. ലത്തീന് അതിരൂപതാ ആര്ച്ച് ബിഷപ്പ് തോമസ്.ജെ.നെറ്റോ മുഖ്യ കാര്മ്മികത്വം വഹിച്ചു.
സീറോമലബാര് സഭയുടെ ആസ്ഥാന കാര്യാലയമായ മൗണ്ട് സെന്റ് തോമസ് പള്ളിയില് മേജര് ആര്ച്ച്ബിഷപ്പ് കര്ദിനാള് മാര് ജോര്ജ് ആലഞ്ചേരി തിരുക്കര്മ്മങ്ങള്ക്ക് മുഖ്യകാര്മ്മികത്വം വഹിച്ചു. ഏകീകൃത കുര്ബാന രീതിയാണ് ആസ്ഥാന പള്ളിയില് മാര് ആലഞ്ചേരി പിന്തുടര്ന്നത്.
അതേസമയം രണ്ട് വര്ഷത്തെ കൊവിഡ് ഇടവേളയ്ക്കും വിഴിഞ്ഞം സമരങ്ങള്ക്കും ശേഷം എത്തിയ ക്രിസ്മസ് ആഘോഷമാക്കുകയാണ് തീരവാസികള്. വീടുകള്ക്കും കടലിനും ഇടയിലുള്ള കടപ്പുറത്ത് കൂട്ടം കൂടിയാണ് വെട്ടുകാട് തീരത്ത് അര്ദ്ധരാത്രിവരെ നീണ്ട ക്രിസ്മസ് ആഘോഷം പൊടിപൂരമാക്കിയത്. കൊവിഡ് കാലത്തിനു ശേഷമെത്തിയ ക്രിസ്മസ് ആഘോഷം പൊടിപൊടിക്കാനായി പടക്ക വിപണിയും ഇത്തവണ സജീവമായിട്ടുണ്ടായിരുന്നു.
പ്രിയ വായനക്കാര്ക്ക് മലയാളിവാര്ത്തയുടെ ക്രിസ്തുമസ് ദിന ആശംസകള്
"
https://www.facebook.com/Malayalivartha
