കേന്ദ്രപ്രതിരോധ മന്ത്രി രാജ്നാഥ് സിംഗ് കേരളത്തിലെത്തി. 90-ാം ശിവഗിരി തീർത്ഥാടനം ഉത്ഘാടനം ചെയ്യാനായിട്ടാണ് അദ്ദേഹം ശിവഗിരിയിലെത്തിയത്. രാവിലെ നടന്ന സമ്മേളനം അദ്ദേഹം ഉദ്ഘാടനം ചെയ്യുകയുണ്ടായി. വർക്കല ശിവഗിരിയുടെ വികസനത്തിന് വേണ്ടി കേന്ദ്രസർക്കാർ 70 കോടിയുടെ പദ്ധതി നടപ്പാക്കുന്നുണ്ട്. അതിനെ കുറിച്ചും അദ്ദേഹം പ്രതികരിച്ചു. ആ പദ്ദതി എത്രയും വേഗം പൂർത്തിയാക്കുമെന്നാണ് രാജ്നാഥ് സിംഗ് പ്രഖ്യാപിച്ചിരിക്കുന്നത്‌. ഈ സ്ഥലത്ത് വച്ച് അദ്ദേഹം നിർണായകമായ പല കാര്യങ്ങളും പറഞ്ഞിരിക്കുകയാണ്.

ശ്രീനാരായണ ഗുരു രാജ്യത്ത് ആകമാനം സഞ്ചരിച്ച് ജനങ്ങൾക്ക് വേണ്ടി പ്രവർത്തിച്ചുവെന്നദ്ദേഹം പറഞ്ഞു . ശ്രീനാരായണ ഗുരുവാണ് സംസ്കാരികമായ ഏകത്വം നടപ്പാക്കിയത് . ഇവിടെയുള്ളവരെല്ലാം ഒന്നാണെന്ന സങ്കൽപമാണ് നമുക്കുള്ളത്. നാം ലോകത്തെ സാംസ്കാരിക പാരമ്പര്യം അറിയിച്ചു. മനുഷ്യർക്ക് മാത്രമല്ല എല്ലാ ജീവജാലങ്ങളെയും തുല്യമായി തന്നെ കണ്ടു. ഉപനിഷത്തുകളിലും ഇതേ സങ്കൽപം കാണാൻ സാധിക്കുമെന്നും പ്രതിരോധ മന്ത്രി ചൂണ്ടികാണിച്ചു . തത്ത്വമസി എന്ന സങ്കല്പം തന്നെ മഹത്തരമാണ്. തുളസീദാസും എല്ലാവരും ഒന്നാണെന്നാണ് പറഞ്ഞത്. സമൂഹത്തിൽ ഈശ്വര ആരാധന ചിലർക്ക് മാത്രമായിരുന്നു ഉണ്ടായിരുന്നത്എന്നതാണ് ശ്രദ്ധേയമായ കാര്യം.

ശ്രീനാരായണ ഗുരു താഴേത്തട്ടിലുള്ളവർക്ക് വേണ്ടി പ്രയത്നിച്ചത്. ഒരു ജാതി, ഒരു മതം, ഒരു ദൈവം മനുഷ്യന് എന്ന ശ്രീനാരായണ ഗുരുവിന്റെ സന്ദേശം മഹത്തരമാണ് . സമൂഹ മാറ്റത്തിന് വേണ്ടിയാണ് ഗുരു പ്രവർത്തിച്ചത് എന്നും അദ്ദേഹം വ്യക്തമാക്കി. മനുഷ്യനും ദൈവവും ഒന്നാണെന്ന സങ്കൽപം ലളിതമായ രീതിയിൽ ജനങ്ങൾക്ക് മനസ്സിലാക്കി കൊടുത്തു. ഗുരുദേവൻ വിദ്യാഭ്യാസത്തിൻ്റെ പ്രാധാന്യത്തെക്കുറിച്ച് ഏറെ പറഞ്ഞിരുന്നുവെന്നും അദ്ദേഹം വ്യക്തമാക്കി. . വിദ്യ നേടിയാൽ സമൂഹത്തിന് മുന്നോട്ട് പോകാം എന്നാണ് ഗുരുദേവൻ പറഞ്ഞിരിക്കുന്നത്.

വടക്കേയിന്ത്യയിലെ ആത്മീയ ചൈതന്യമുള്ള സ്ഥലമാണ് കാശി. തെക്കൻ ഭാഗത്ത് അത് വർക്കലയാണ് എന്ന് അദ്ദേഹം പറഞ്ഞു . സമുദായം മുന്നോട്ട് പോകണമെങ്കിൽ സംഘടിതമാകണം എന്ന് ഗുരുദേവൻ പറഞ്ഞ കാര്യവും പ്രതിരോധ മന്ത്രി എടുത്ത് പറഞ്ഞു. മുഴുവൻ ഇന്ത്യക്കാരും സംഘടിതമായി മുന്നോട്ട് പോകണം. വർക്കല ശിവഗിരിയുടെ വികസനത്തിന് 70 കോടിയുടെ കേന്ദ്രപദ്ധതി ഉടൻ നടപ്പിലാക്കും. സമയബന്ധിതമായി തന്നെ പദ്ധതി നടപ്പാക്കുമെന്നും അദ്ദേഹം തുറന്നടിച്ചു.