ചന്ദനക്കുറിയുടെ അട്ടിപ്പേറവകാശം. വിട്ടുകൊടുക്കില്ലെന്ന് കെ.സുരേന്ദന് ആന്റണി ഉണ്ടയിട്ട് മുങ്ങി.
30 DECEMBER 2022 04:29 PM IST
മലയാളി വാര്ത്ത
രണ്ട് ദിവസമായി കേരളം ചര്ച്ച ചെയ്യുന്നത് നിസ്കാര തഴമ്പിനെ കുറിച്ചോ കൊന്തയും കുരിശുമോ അല്ല . ചന്ദനക്കുറിയാണ്.
കോണ്ഗ്രസ് പ്രവര്ത്തക സമിതി അംഗം എ.കെ.ആന്റണിയാണ് കഴിഞ്ഞ ദിവസം ചന്ദനക്കുറി വിവാദം തുറന്നു വിട്ടത്. ന്യൂനപക്ഷങ്ങളെ നമ്പി നിന്നാല് കോണ്ഗ്രസിന് ഇനി രക്ഷപ്പെടാനാവില്ലെന്നും ഹിന്ദുക്കളുടെ ഭൂരിപക്ഷ പിന്തുണ ആര്ജ്ജിക്കാന് കഴിയണമെന്നുമാണ് ആന്റണി ഉദ്ദേശിച്ചത്. എന്തിനും ഏതിനും എതിര്പ്പ് എന്നൊരു അക്ഷരം പറഞ്ഞില്ലെങ്കില് കുറച്ചിലുള്ള രാജ് മോഹന് ഉണ്ണിത്താന് ഉടക്ക് വര്ത്തമാനവുമായി വന്നതോടെ ചന്ദനക്കുറി രാഷ്ട്രീയ ചര്ച്ചകളിലെ തിലക്കുറിയായി മാറി. അത് കോണ്ഗ്രസില് നിന്നകന്ന ന്യൂനപക്ഷങ്ങള്ക്ക് ഓര്ക്കാപ്പുറത്തിട്ടൊരു അടിയുമായി. എ.കെ.ആന്റണി ചന്ദനക്കുറി വിവാദം ഇളക്കി വിട്ടതു കൊണ്ട് ന്യൂനപ്കഷങ്ങള് വലിയ ചാട്ടവുമായി രംഗത്ത് വന്നതുമില്ല. എന്നാല് ബിജെപിയ്ക്ക് അട്ടിപ്പേറവകാശം കിട്ടിയിട്ടുള്ള ചന്ദനത്തിനെതിരെ കെ.സുരേന്ദ്രന് രംഗത്ത് വന്നതോടെ സംഭവം മറ്റൊരു തരത്തിലായി മാറി.
കോണ്ഗ്രസ് രാജ്യത്തെ ഏറ്റവും വലിയ ഹിന്ദുവിരുദ്ധ ന്യൂനപക്ഷ വര്ഗീയതയെ പ്രോത്സാഹിപ്പിക്കുന്ന പാര്ട്ടിയാണെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന് പറഞ്ഞു. കോണ്ഗ്രസ് ഹിന്ദുക്കളെ കൂടി ഉള്ക്കൊള്ളണമെന്ന എ.കെ ആന്റണിയുടെ പ്രസ്താവന തികഞ്ഞ കാപട്യമാണെന്നും കൊച്ചിയില് മാദ്ധ്യമപ്രവര്ത്തകരോട് സംസാരിക്കവെ അദ്ദേഹം പറഞ്ഞു. ഭരിക്കാന് അവസരം കിട്ടിയപ്പോഴൊക്കെ ഹിന്ദുക്കള്ക്ക് ദോഷമുണ്ടാക്കുന്ന നിലപാടാണ് ആന്റണി സ്വീകരിച്ചിട്ടുള്ളത്. കോണ്ഗ്രസിനെപ്പോലെ ഭൂരിപക്ഷ സമുദായത്തെ ദ്രോഹിച്ച മറ്റൊരു പാര്ട്ടിയില്ല.
അയോധ്യയില് രാമക്ഷേത്രം നിര്മ്മിക്കാന് വിശ്വാസി സമൂഹം മുന്നിട്ടിറങ്ങിയപ്പോള് അതിനെ എതിര്ത്തവരാണ് കോണ്ഗ്രസുകാര്. സുപ്രീംകോടതിയില് രാമസേതുവില്ലായെന്ന് സത്യവാങ്മൂലം കൊടുത്ത പാര്ട്ടിയാണ് കോണ്ഗ്രസ്. എ.കെ. ആന്റണി പ്രതിരോധമന്ത്രിയായിരിക്കുമ്പോഴാണ് രാജ്യത്തിന്റെ ഏറ്റവും വലിയ ഭീഷണി കാവിഭീകരതയാണെന്ന് കോണ്ഗ്രസ് പറഞ്ഞത്. മാറാട് ഹിന്ദുവംശഹത്യ നടന്നത് ആന്റണി മുഖ്യമന്ത്രിയായിരുന്നപ്പോഴാണ്.
അന്നത്തെ കേരള ഹൈക്കോടതി സിറ്റിംഗ് ജഡ്ജി തോമസ് ജോസഫ് കമ്മീഷന്റെ മുഴുവന് കണ്ടെത്തലും നിരാകരിച്ചത് ആന്റണിയായിരുന്നു. അന്വേഷണത്തെ തടസപ്പെടുത്തി പിഎഫ്ഐക്ക് അനുകൂലമായ നിലപാടാണ് അന്ന് എകെ ആന്റണി സ്വീകരിച്ചത്. വര്ഗീയ ശക്തികളുമായും തീവ്രവാദ ശക്തികളുമായും ചേര്ന്ന് മുന്നോട്ട് പോവുന്ന കോണ്ഗ്രസ് അവസാന ലാപ്പിലാണ് ഓടുന്നത്. കോണ്ഗ്രസിന്റെ അന്ത്യം അടുത്തെന്നും കെ.സുരേന്ദ്രന് പറഞ്ഞു.
അരിയില് ഷുക്കൂര് വധക്കേസില് പി.ജയരാജനെ രക്ഷപ്പെടുത്താന് പികെ കുഞ്ഞാലിക്കുട്ടി ഇടപെട്ടെന്ന അഭിഭാഷകരുടെ വെളിപ്പെടുത്തല് ലീഗ്-സിപിഎം ബന്ധത്തിന്റെ തെളിവാണ്. സ്വന്തം പാര്ട്ടി പ്രവര്ത്തകനെ വധിച്ച കേസിലെ പ്രതികളെ സംരക്ഷിക്കാന് പികെ കുഞ്ഞാലിക്കുട്ടി തയ്യാറായെന്നു പറഞ്ഞാല് സിപിഎമ്മും ലീഗും തമ്മിലെ ബന്ധം വ്യക്തമല്ലേ. പോപ്പുലര് ഫ്രണ്ടിനെ സംരക്ഷിക്കുന്നതിലും എല്ഡിഎഫും യൂഡിഎഫും ഒന്നിച്ചാണ്. ലീഗ് യുഡിഎഫില് നിന്നുകൊണ്ട് എല്ഡിഎഫിനെ പിന്തുണയ്ക്കുന്ന പാര്ട്ടിയാണ്. ഇനി പരസ്യമായി എല്ഡിഎഫിലേക്ക് പോവുകയാണ് ലീഗിന്റെ ലക്ഷ്യമെന്നും സുരേന്ദ്രന് പറഞ്ഞു.
ഭീകരവാദത്തിനെതിരെ ശക്തമായ നിലപാടാണ് കേന്ദ്രസര്ക്കാരിനുള്ളതെന്നും നിരോധിത സംഘടനയായ പോപ്പുലര് ഫ്രണ്ട് കേന്ദ്രങ്ങളില് എന്ഐഎ റെയിഡിനെ സംബന്ധിച്ച ചോദ്യത്തിന് അദ്ദേഹം പറഞ്ഞു. ഇത്തരം നടപടിയുണ്ടായില്ലെങ്കില് കേരളം ഒരു കുരുതികളമായി മാറുമായിരുന്നു.
ഹിന്ദുക്കളെ കൂടെ നിറുത്താനാവാത്ത കോണ്ഗ്രസ് ഇപ്പോള് അതിന് ശ്രമിക്കുന്നതിന് പലവിധ വ്യാഖ്യാനങ്ങളും രംഗത്ത് വരുന്നുണ്ട്. കേരളത്തില് കോണ്ഗ്രസിന് ഭരണം കിട്ടിയപ്പോളൊക്കെ ഹിന്ദുക്കളെ ബഹുദൂരം പിന്നിലേയ്ക്ക് ഓടിക്കാനാണ് ശ്രമിച്ചതെന്ന സത്യമാണ് പുറത്തു വരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
