ഗാനരചയിതാവ് ബീയാര് പ്രസാദ് അന്തരിച്ചു.... മസ്തിഷ്കാഘാതത്തെത്തുടര്ന്ന് ഗുരുതരാവസ്ഥയില് ചികിത്സയിലായിരുന്നു.... തിരുവനന്തപുരത്തെ സ്വകാര്യ ആശുപത്രിയില് വെന്റിലേറ്ററിലായിരുന്നു അദ്ദേഹം....
04 JANUARY 2023 04:15 PM IST
മലയാളി വാര്ത്ത
രണ്ടുവര്ഷംമുമ്പ് വൃക്കമാറ്റിവെച്ചതിനെത്തുടര്ന്ന് വിശ്രമത്തിലായിരുന്നു. കുറച്ചുനാളുകള്ക്ക് മുന്പ് ചാനല് പരിപാടിക്കായി തിരുവനന്തപുരത്തെത്തിയപ്പോള് ദേഹാസ്വസ്ഥ്യമുണ്ടായി. തുടർന്ന് നടത്തിയ പരിശോധനയില് മസ്തിഷ്കാഘാതം സ്ഥിരീകരിച്ചു.
ഒരു നോവലെഴുത്തിന്റെ അവസാനഘട്ടത്തിലായിരുന്നു അദ്ദേഹം. 1993-ല് കുട്ടികള്ക്കായുള്ള ചിത്രത്തിന്റെ തിരക്കഥയെഴുതിയാണ് കവിയും നാടകസംവിധാനകനുമായിരുന്ന പ്രസാദ് സിനിമാലോകത്തെത്തുന്നത്. 2003-ല് കിളിച്ചുണ്ടന് മാമ്പഴമെന്ന മോഹന്ലാല് ചിത്രത്തിലൂടെ ഗാനരചയിതാവെന്ന നിലയില് ശ്രദ്ധേയനായി. 'ഒന്നാംകിളി പൊന്നാണ്കിളി...', 'കേരനിരകളാടും ഒരുഹരിത ചാരുതീരം...', 'മഴത്തുള്ളികള് പൊഴിഞ്ഞീടുമീ നാടന് വഴി...' തുടങ്ങി ഒട്ടേറെ ഗാനങ്ങള് അദ്ദേഹം രചിച്ചിട്ടുണ്ട്. ഭാര്യ സനിതാ പ്രസാദ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
