പാലക്കാട് ട്രെയിനിൽ തീപിടുത്തം. പാലക്കാട് കഞ്ചിക്കോട് ആണ് സംഭവം. എറണാകുളത്ത് നിന്നും ബിലാസ്പൂരിലേക്ക് പോവുകയായിരുന്ന ട്രൈനിലാണ് തീപിടിച്ചത്. എ.സി. A2 കംപാർട്ട്മെന്റിലാണ് തീപിടുത്തമുണ്ടായത്.

അതേസമയം ബിലാസ്പൂർ സൂപ്പർ ഫാസ്റ്റ് എക്സ്പ്രസിലാണ് സംഭവം. ഇന്ന് ഉച്ചയ്ക്ക് 12 മണിയോടെയാണ് തീപിടുത്തം ഉണ്ടായത്. അപകടത്തിൽ ആർക്കും പരിക്കില്ല.

അതേസമയ കഴിഞ്ഞ ദിവസം മഡ്ഗാവ് -എറണാകുളം എക്സ്പ്രസിലും തീപിടുത്തം ഉണ്ടായിരുന്നു. കർണ്ണാടകത്തിൽ വച്ച് രാത്രി 10. 45 ഓടെ S2 ബോഗിയുടെ അടിഭാഗത്തിനാണ് തീപിടിച്ചത്. തുടർന്ന് യാത്രക്കാർ അറിയിച്ചതിന് ശേഷം തീവണ്ടി നിർത്തി റെയിൽവെ ജീവനക്കാർ തീയണക്കുകയായിരുന്നു. കൂടാതെ അഗ്നിബാധയില്‍ ആളപായമില്ല സർവീസ് പുനരാരംഭിച്ചിട്ടുണ്ട്.

കൂടാതെ കഴിഞ്ഞ നവംബര്‍ മാസത്തില്‍ മധ്യപ്രദേശിലെ മൊറീനയിൽ ട്രെയിനിന് തീ പിടിച്ചിരുന്നു. അന്ന് ദുർഗ് - ഉദൈയ്പൂർ എക്സ്പ്രസിന്റെ നാല് ബോഗികളിലാണ് തീപ്പിടുത്തമുണ്ടായത്. മധ്യപ്രദേശിലെ മൊറീന സ്റ്റേഷനിൽ വെച്ചാണ് തീപിടുത്തമുണ്ടായത്. ഈ സമയത്തും എസി കോച്ചുകളിലേക്കാണ് തീപടർന്നത്.