കോറണയ്ക്ക് ശേഷം ശബരിമല ദര്‍ശനം വീണ്ടും സാധാരണഗതിയിലേക്ക് നീങ്ങുന്നതിനിടെ ശബരിമലയില്‍ വിതരണം ചെയ്യുന്ന അരവണയില്‍ ഉപയോഗിക്കുന്ന ഏലയ്ക്കയില്‍ കീടനാശിനിയുടെ അംശം കണ്ടെത്തിയെന്ന് ലാബ് റിപ്പോര്‍ട്ട്. തിരുവനന്തപുരം ലാബിന്റെ പരിശോധനയിലാണ് ഞെട്ടിക്കുന്ന ഈ വിവരം. ലാബ് റിപ്പോര്‍ട്ട് ഹൈക്കോടതിയില്‍ സമര്‍പ്പിച്ചു. ഹൈക്കോടതി റിപ്പോര്‍ട്ട് നാളെ പരിശോധിക്കും. അരവണ കീടനാശിനിയുടെ അംശം അടങ്ങിയ ഭക്ഷണ പദാര്‍ത്ഥമാണെന്നാണ് റിപ്പോര്‍ട്ടിലുളളത്. സുരക്ഷിതമല്ലാത്ത ഏലയ്ക്കയാണ് അരവണയില്‍ ഉപയോഗിക്കുന്നത്.

ഏലയ്ക്കാ വിതരണം സംബന്ധിച്ച് അയ്യപ്പാ സ്‌പൈസസ് കമ്പനി കോടതിയില്‍ ഹര്‍ജി നല്‍കിയിരുന്നു. ഇത് പരിഗണിച്ച ശേഷം പരിശോധന നടത്താന്‍ ഹൈക്കോടതി നിര്‍ദ്ദേശിച്ചിരുന്നു. തുടര്‍ന്ന് തിരുവനന്തപുരം ലാബ് നടത്തിയ പരിശോധനയിലാണ് കണ്ടെത്തല്‍. അടുത്ത നാല് ദിവസത്തേക്ക് സന്നിധാനത്ത് 100 ശതമാനം വെര്‍ച്വല്‍ ക്യൂ ബുക്കിംഗാണെന്നാണ് വിവരം. ഇന്നും ശക്തമായ ഭക്തജനത്തിരക്ക് തന്നെയാണ് സന്നിധാനത്ത് അനുഭവപ്പെടുന്നത്.

ശബരിമലയിലെ തിരുവാഭരണ ഘോഷയാത്രയോട് അനുബന്ധിച്ചുള്ള മുന്നൊരുക്ക പ്രവര്ത്തനങ്ങള് സമയബന്ധിതമായി പൂര്ത്തിയാക്കുമെന്ന് ജില്ലാ കളക്ടര് ഡോ. ദിവ്യ എസ് അയ്യര് പറഞ്ഞു. കഴിഞ്ഞ രണ്ടു വര്ഷങ്ങളെ അപേക്ഷിച്ച് വന് ജനതിരക്ക് ഉണ്ടാവുമെന്നാണ് പ്രതീക്ഷിക്കുന്നത്. വന് ജനതിരക്ക് പ്രതീക്ഷിച്ചു കൊണ്ടുള്ള മുന്നൊരുക്ക പ്രവര്ത്തനങ്ങളാണ് ഇത്തവണ നടത്തുക. തിരക്ക് ക്രമീകരിക്കലാണ് ഏറ്റവും ശ്രദ്ധിക്കേണ്ട മേഖല. ഇരുനൂറ് പോലീസുകാര് അടങ്ങുന്ന സംഘം തിരുവാഭരണ ഘോഷയാത്രയില് സുരക്ഷയൊരുക്കും.

ഒരു മെഡിക്കല് ടീം ആംബുലന്‌സ് ഘോഷയാത്രയോടൊപ്പം ഉണ്ടാവും. കുളനട പ്രാഥമികാരോഗ്യകേന്ദ്രത്തില് വൈകുന്നേരം ആറു വരെ ചികിത്സാ സംവിധാനമൊരുക്കും. ചെറുകോല് പ്രാഥമികാരോഗ്യകേന്ദ്രം, കാഞ്ഞീറ്റുകര, റാന്നി പെരുനാട്, എന്നീ ആശുപത്രികളില് ഇരുപത്തിനാലു മണിക്കൂര്‍ സേവനമൊരുക്കും. വടശേരിക്കര ആശുപത്രിയില് രാത്രി എട്ടു വരെയും ചികിത്സാ സഹായമൊരുക്കും. ഫയര്‌ഫോഴ്‌സിന്റെ പതിനൊന്നു പേരടങ്ങുന്ന ഫസ്റ്റ് റസ്‌പോണ്‌സ് ടീം, സിവില് ഡിഫന്‌സ് അംഗങ്ങള് ഘോഷയാത്രയോടൊപ്പം ഉണ്ടാവുമെന്നും കളക്ടര് പറഞ്ഞു.

യാതൊരു വിധ പരാതികളും ഇല്ലാതെ തിരുവാഭരണ ഘോഷയാത്ര സന്നിധാനത്ത് എത്തിക്കുന്നതിനുള്ള പ്രവര്ത്തനങ്ങള് ദേവസ്വം ബോര്ഡ് സ്വീകരിക്കുമെന്ന് ദേവസ്വം ബോര്ഡ് പ്രസിഡന്റ് അഡ്വ. കെ. അനന്തഗോപന് പറഞ്ഞു. ഏറ്റവും മികച്ച രീതിയില് തിരുവാഭരണ ഘോഷയാത്ര നടത്തും. സമാധാനപരമായി ഘോഷയാത്ര നടത്തുന്നതിന് എല്ലാ വകുപ്പുകളുടേയും സഹകരണം ഉണ്ടാവണമെന്നും ദേവസ്വം ബോര്ഡ് പ്രസിഡന്റ് പറഞ്ഞു.