കൊല്ലത്ത് കാണാതായ യുവതിയെ കണ്ടെത്തിയത് പൂര്‍ണ നഗ്‌നമായ നിലയില്‍. യുവതിയുടെ മൃതദേഹത്തിന് ആറുദിവസത്തെ പഴക്കം; യുവതിയുടെ മൊബൈല്‍ ഫോണ്‍ കണ്ടെത്തിയത് ബീച്ചില്‍ നിന്ന്. കാട് മൂടിയ പറമ്പിലാണ് യുവതിയുടെ മൃതദേഹം കണ്ടെത്തിയത്. മൃതദേഹത്തിന് ആറുദിവസത്തെ പഴക്കമുണ്ട്. മൃതദേഹത്തില്‍ മുറിവുകളും കണ്ടെത്തി. തലയുടെ ഇടതുഭാഗത്തും മാറിന് താഴെയുമായി ആഴത്തിലുള്ള രണ്ട് മുറിവുകളുണ്ട്.

ഫാത്തിമ മാതാ നാഷണല്‍ കോളേജിന് സമീപത്തെ കാടുമൂടിയ റെയില്‍വേ ക്വാര്‍ട്ടേഴ്‌സിലാണ് കേരളപുരം സ്വദേശി ഉമ പ്രസന്നനെ (32) മരിച്ച നിലയില്‍ കണ്ടെത്തിയത്. വസ്ത്രത്തിന്റെ ചില ഭാഗങ്ങള്‍ മാത്രമാണ് മൃതദേഹത്തിന് സമീപമുണ്ടായിരുന്നത്. കൊലപാതകമാണെന്നാണ് പൊലീസിന്റെ പ്രാഥമിക നിഗമനം. വിരലടയാള വിദഗ്ദ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി.

സൗന്ദര്യവര്‍ദ്ധക വസ്തുക്കള്‍ വീടുകളില്‍ വില്പന നടത്തുകയായിരുന്ന യുവതിയെ കഴിഞ്ഞ മാസം 29 മുതല്‍ കാണാതാവുകയായിരുന്നു. തുടര്‍ന്ന് മാതാവ് കുണ്ടറ സ്‌റ്റേഷനില്‍ നല്‍കിയ പരാതിയുടെ അടിസ്ഥാനത്തില്‍ അന്വേഷണം നടത്തി വരുന്നതിനിടെയാണ് മൃതദേഹം കണ്ടെത്തിയത്. ചൊവ്വാഴ്ച രാത്രി ഇതുവഴി വന്ന രണ്ടു യുവാക്കള്‍ ദുര്‍ഗന്ധം അനുഭവപ്പെട്ടതിനെ തുടര്‍ന്ന് ഈസ്റ്റ് പൊലീസില്‍ വിവരമറിയിക്കുകയായിരുന്നു. ബീച്ചില്‍ നിന്ന് കിട്ടിയ യുവതിയുടെ മൊബൈല്‍ ഫോണ്‍ കേന്ദ്രീകരിച്ചാണ് പൊലീസിന്റെ അന്വേഷണം. 

കുറച്ചു മാസങ്ങള്‍ക്ക് മുമ്പ് പട്ടാമ്പി പാലത്തിന് താഴെ ഭാരതപ്പുഴയില് യുവതിയുടെ മൃതദേഹം കൈപ്പത്തി അറ്റ് അഴുകിയ നിലയില് കണ്ടെത്തിയിരുന്നു. യുവതിയുടെ ഒരു കൈപ്പത്തി അറ്റുപോയതും ബാഗുകളും മറ്റും കുറച്ച് അകലെ നിന്നുമാണ് കണ്ടെത്തിയത്. യുവതി ഉപയോഗിച്ചിരുന്ന മൊബൈല് ഫോണ് ടവര് ലൊക്കേഷന് പട്ടാമ്പി ശങ്കരമംഗലം ഭാഗത്ത് കണ്ടെത്തിയതിനെ തുടര്ന്ന് പോലീസ് ഈ ഭാഗത്ത് പരിശോധന നടത്തിയെങ്കിലും കൂടുതല് വിവരങ്ങള് അറിയാന് സാധിച്ചിരുന്നില്ല.

ശനിയാഴ്ച അര്ധരാത്രി വരെ മൊബൈല് ഫോണ് ഇടക്കിടെ ഓണ് ആവുകയും പിന്നീട് ഓഫ് ആവുകയും ചെയ്തിരുന്നതായി ബന്ധുക്കള് പറഞ്ഞിരുന്നു. തിങ്കളാഴ്ച കാലത്ത് ഒന്പതരയോടെ കാലിമേക്കാന് പുഴയില് ഇറങ്ങിയ നാട്ടുകാരാണ് യുവതിയുടേതെന്ന് തോന്നിക്കുന്ന മൃതദേഹം പുഴയില് പുല്ക്കാടുകളോട് ചേര്ന്ന് പൊങ്ങിക്കിടക്കുന്ന നിലയില് കണ്ടത്.

ഇവിടെ നിന്നും കുറച്ച് മീറ്ററുകള് മാറി ഇവരുടെ ബാഗും കുറച്ചകലെ രേഖകളും ഗുളികകളും അടങ്ങിയ മറ്റൊരു കവറും കണ്ടെത്തിയിരുന്നു. കവറില് നിന്നും കണ്ടെത്തിയ ബാങ്ക് രേഖയിലെ നമ്പറില് ബന്ധപ്പെട്ടപ്പോഴാണ് യുവതിയെക്കുറിച്ചുള്ള സൂചനകള് ലഭിച്ചത്. തുടര്ന്ന് തൃത്താല പോലീസ്, പേരാമംഗലം പോലീസ് എന്നിവര് സ്ഥലത്തെത്തി. യുവതിയുടെ ഏതാനും ബന്ധുക്കളും സ്ഥലത്തെത്തി മൃതദേഹം തിരിച്ചറിഞ്ഞു.